Almatyda kóshi-qon zańnamasyn buzǵany úshin ustalǵan Ózbekstan men Tájikstannyń 48 azamaty elderine jetkizildi.
Osy maqsatta Almaty polısıasy memlekettik shekaraǵa deıin jetý úshin avtobýspen qamtamasyz etti, dep habarlaıdy Almaty-akshamy.kz Polisia.kz-ke silteme jasap.
Buǵan deıin birneshe ret habarlanǵandaı, osy kúnderi qalada QR-da zańsyz júrgen sheteldikterdi anyqtaýǵa jáne zańsyz kóshi-qon arnalarynyń jolyn kesýge baǵyttalǵan “Zańsyz kelýshi” jedel aldyn alý is-sharasy júrgizilip jatyr.
«İs-sharanyń úsh kúninde Qazaqstannyń kóshi-qon zańnamasyn buzǵany úshin 464 sheteldik jaýapqa tartylsa, olardyń 88-i sot sheshimimen elden shyǵaryldy. Jeke basyn kýálandyratyn qujaty joq taǵy 237 shetel azamaty PD-nyń qabyldap-taratýyna ornalastyryldy. Sonymen qatar sheteldikterdiń Qazaqstan Respýblıkasynda zańdy bolýyn qamtamasyz etpegen 128 otandasymyzǵa qatysty ákimshilik shara qoldanyldy», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.