İshki týrızm naryǵy qalaı damıdy, Qazaqstannyń áıgili kólderinde kásibı gıdterdiń jumysy qalaı júrgizilip jatqanyn Almaty qalasynyń Óńirlik komýnıkasıalar qyzmetiniń baspasóz konferensıasy barysynda «Kólsaı kólderi» ulttyq tabıǵı parki dırektorynyń orynbasary Hamıt Ahmetov aıtty, dep habarlaıdy almaty-akshamy.kz
Onyń aıtýynsha, sheteldik týrıser úshin ekskýrsıa júrgizýge daıyn kásibı gıdterdiń jetispeýshiligi baıqalmaıdy.
«Sheteldik týrıserdiń basym bóligi «Kólsaı kólderi» ulttyq parkiniń aýmaǵyna Almaty qalasynan týrfırmamen keledi, ıaǵnı árbir týrfırmada daıyndalǵan kásibı gıd pen ekskýrsovod bar, onyń negizgi mindeti sheteldik týrısti ertip júrý. Tıisinshe, týrısik fırmalar ulttyq parkpen týrıserge, onyń ishinde sheteldik týrıserge qyzmet kórsetý týraly shart jasasady. Jalpy, «Kólsaı kólderi» ulttyq saıabaǵynda týrızm bólimi jumys isteıdi, onyń shtatynda týrızm mamandary men shet tilderi kýrstarynda oqıtyn gıdter bar», - dedi ol.
Hamıt Ahmetov jýrnalıserdiń suraqtaryna jaýap bere otyryp, týrısik maýsymnyń qandaı bolatyny kóbinese aýa-raıyna baılanysty ekenin túsindirdi.
«Eger jaz jańbyrly jáne jaýyn-shashyndy bolsa, sáıkesinshe týrıser aǵyny az bolady. Munyń bári aýa-raıyna baılanysty. Jalpy ulttyq park aýmaǵyndaǵy ishki týrızm naryǵy jyl saıyn damyp keledi.Týrısik soqpaqtardyń keńeıýine baılanysty ulttyq parktiń búkil aýmaǵynda barlyq basqa kólderdi qamtıtyn 7 týrısik marshrýt bar», - dedi ulttyq park dırektorynyń orynbasary.
Qarjylandyrýdyń túsýine qaraı ulttyq park rekreasıalyq júktemeni eskere otyryp, týrısik marshrýttardy qosymsha jaılastyratyn bolady.