Almaty qalasynyń Qylmystyq-atqarý júıesi departamentine qarasty №11 mekemede Jambyl atyndaǵy qalalyq jasóspirimder kitaphanasynyń mádenı is-shara uıymdastyrý bóliminiń qyzmetkerlerimen birlesip Astana kúni atalyp ótti.
İs-sharanyń maqsaty – elimizdiń bas qalasy Astana týraly, onyń jetistigi, barlyq jaqsysy jaıynda jasóspirimderdi habardar etý.
İs-shara kitaphanashylardyń Astana qalasy týraly baıandamasynan bastalyp, elordanyń tynys-tirshiligin pash etetin kitap kórmesimen jalǵasty. Túzeý mekemesinde jazasyn ótep jatqan jetkinshekter kitappen serik ekenin baıqatyp, Astana týraly vıktorınalyq suraqtarǵa belsene qatysyp, bilim-biligin de ortaǵa saldy. Kitap oqýǵa qushtar balalar syılyqqa kitap aldy.
İs-shara sońynda №11 mekemeniń tárbıe bóliminiń bastyǵy, ádilet podpolkovnıgi Alma Qoıshybaıqyzy osyndaı is-sharalar jasóspirimderdiń estetıkalyq talǵamyn damytatynyn aıtyp, jazaly balalarǵa qatarlastarynan qalmaı, qoǵamǵa, ortaǵa durys tárbıeli azamat bolyp oralýyna tilek bildirdi.