Talaptardy oryndamaǵan kolektorlyq agenttikter qyzmetin toqtatady.
1 qańtardan bastap kolektorlyq agenttikterdiń jarǵylyq kapıtalynyń eń tómengi mólsheri engiziledi, dep habarlaıdy Almaty-akshamy.kz
Qarjy naryǵyn retteý jáne damytý agenttigi kolektorlardyń jarǵylyq kapıtalyna qatysty talap kúsheıtilgenin habarlady. Byltyr kolektorlyq qyzmet týraly zańda jarǵylyq kapıtaldyń eń tómengi mólsherine qatysty norma bolǵan.
Oǵan sáıkes, bıyl 1 qańtardan bastap kolektorlyq agenttikterdiń jarǵylyq kapıtalynyń 10 mıllıon teńge somasyndaǵy eń tómengi mólsheri engiziledi. Osy mejeni kezeń-kezeńmen kóterýge sheshim qabyldandy.
«Naryqty shoǵyrlandyrý jáne kolektorlyq qyzmetterdiń sapasyn arttyrý maqsatynda bıyl 22 aqpanda jumys istep turǵan kolektorlyq agenttikter úshin jarǵylyq kapıtaldyń mólsherin kezeń-kezeńmen arttyrýdy kózdeıtin agenttik basqarmasynyń 8 qaýlysy qabyldandy», - delingen habarlamada.
Qaýlyǵa sáıkes, jarǵylyq kapıtaldyń eń tómengi deńgeıi taǵy kóteriledi.
2022 jyldyń 1 shildesinen bastap – 30 mıllıon teńge;
2023 jyldyń 1 qańtarynan bastap – 50 mıllıon teńge.
Bul rette jańadan ashylǵan kolektorlyq agenttikter úshin jarǵylyq kapıtaldyń eń tómen mólsheri 50 mıllıon teńgeni quraıdy.
Qazirgi kezde jarǵylyq kapıtalǵa qoıylatyn talaptardy oryndamaǵan kolektorlyq agenttikterdiń qyzmetin toqtatý boıynsha jumystar bastaldy.