Naýqan shaǵyn bızneske qoldaý retinde uıymdastyrylyp otyr.
Bul týraly IIDM baspasóz qyzmeti málimdedi, dep habarlaıdy Almaty-akshamy.kz Elorda.info-ǵa silteme jasap.
«2022 jylǵy 1 naýryzdan bastap aıaq kıimniń qaldyqtary úshin tańbalaý kodtaryn tegin basyp shyǵarý naýqany bastalady. Bir rettik naýqan «Qazaqtelekom» AQ Taýarlardy tańbalaý men qadaǵalaýdyń biryńǵaı operatorymen qolǵa alynyp otyr. Ony ótkizý týraly sheshim kásipkerlerdiń ótinishteri boıynsha qabyldandy», – dep jazylǵan habarlamada.
Naýqan shaǵyn bızneske qoldaý retinde uıymdastyrylyp otyr. Qatysý úshin ótinimder 2022 jyldyń 1 maýsymyna deıin qabyldanady. Osylaısha, kásipkerlerde naýqan aıasynda tańbalaý kodtaryn tegin emısıalaý jáne basyp shyǵarý múmkindigi paıda bolady.
Tolyq nusqaýlyq sbor zayavok ostatki obuvi kaz siltemesi boıynsha qoljetimdi. Naýqan sheńberinde taýarlardy sıfrlyq tańbalaý boıynsha 8 800 080 65 65 táýlik boıy qyzmet etetin baılanys-ortalyǵynan keńes alýǵa bolady.
Esterińizge sala keteıik, 2021 jyldyń 1 qarashasynan bastap Qazaqstanda aıaq kıimdi mindetti sıfrlyq tańbalaý bastaldy. 2022 jylǵy 1 sáýirge deıin kásipkerlerge tańbalanbaǵan aıaq kıimdi satýǵa ruqsat etiledi, osy kúnnen keıin sórelerde tek sıfrlandyrylǵan aıaq kıim bolýy kerek. 2022 jylǵy 1 qarashaǵa deıin Qazaqstan Respýblıkasynyń aýmaǵynda aınalymda jáne aınalymnan shyǵarýda paıdalanylatyn aıaq kıim taýarlarynyń qaldyqtaryn saqtaýǵa jáne tasymaldaýǵa, sondaı-aq tańbalaýdy júzege asyrýǵa jol beriledi.