Qyzmetin adal atqarmaǵan kolektorlar qylmystyq jazaǵa tartylady.
Sońǵy eki jyldyń ishinde óz qyzmetin adal atqarmaǵan 37 kolektorlyq agenttiktiń qyzmeti toqtatylǵan bolatyn, dep habarlaıdy Almaty-akshamy.kz
Bul týraly qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanov aıtty.
Qarjy naryǵyn retteý jáne damytý agenttigi osy saladaǵy jumysty jalǵastyrýǵa múddeli. Aldaǵy ýaqytta kolektorlarǵa qatysty qylmystyq jaýapkershilik te engiziledi.
"Bıyl kolektorlarǵa qatysty ákimshilik jaýapkershilik kúsheıtiledi. Sondaı-aq kolektorlyq agenttikterdiń qyzmetkerlerine qatysty qylmystyq jaýapkershilik engiziledi", - dedi Ábdirahmanov Senattyń búgingi otyrysynda.
Onyń aıtýynsha, bankter men kolektorlardyń ózara áreket etý sharalary da kúsheıtiledi.
"Sosyn problemalyq qaryzdardy qaıta qaraý boıynsha kolektorlardyń jumysyn ońtaılandyramyz", - dep atap ótti Ábdirahmanov.