Bul týraly Óńirlik komýnıkasıalar qyzmetiniń alańynda Almaty qalalyq aýmaqtyq saılaý komısıasynyń tóraıymy Aıgúl Qalyqova aıtty, dep habarlaıdy Almaty-akshamy.kz.
Máslıhat saılaýy kezinde joǵary básekelestik kútilýde – bir orynǵa 12 úmitker.
Aıgúl Qalyqova QR Parlamenti Májilisi men máslıhattar depýtattarynyń kezekten tys saılaýy boıynsha saılaý naýqany kandıdattardy tirkeý merzimi aıaqtalǵan sátten bastap 18 aqpanda bastalǵanyn eske saldy.
ASK-nyń málimetine sáıkes, QR Parlamenti Májilisi depýtattyǵyna 2023 jylǵy 20 qańtar men 8 aqpan aralyǵynda Almaty qalasynan barlyǵy 143 kandıdat usynyldy.
«QR Parlamenti Májilisiniń depýtattyǵyna barlyǵy 104 kandıdat tirkeldi. 36 kandıdatty tirkeýden bas tartyldy. Negizgi sebepter: tıisti qujattardy usynbaý sondaı-aq kandıdattarǵa qoıylatyn talaptarǵa sáıkes kelmeýi. Al bir kandıdat Memlekettik kirister departamentinen deklarasıa boıynsha óte almady. 2 adam kandıdatýrasyn keri qaıtaryp alý týraly ótinish berdi», - dep habarlady A.Qalyqova.
Jalpy, okrýgter boıynsha usynýlar kelesideı boldy:
- Eń joǵary básekelestik – 3-shi okrýgte 37 adam.
- Tirkelgen úmitkerlerdiń 73-i er, 31-i áıel adam.
Sondaı-aq tirkelgenderdiń 17-si búdjettik uıymdardyń qyzmetkerleri, komersıalyq qurylymdardyń qyzmetkerleriniń sany – 65. 7-eýi zeınetker, 6-ýy jumyssyz, 2-ýi qoǵamdyq uıymdardyń ókilderi, qoǵamdyq qorlar – 4, ózin-ózi jumyspen qamtyǵandar-3.
Birmandattyq okrýgter boıynsha Parlament Májilisine ózin-ózi usyný tártibimen tirkelgenderdiń qatarynda 91 adam bar. «AMANAT» partıasynan 3 kandıdat, QHP – 2, «Aq jol» QDP – 2, «RESPUBLICA» partıasynan-2, «Aýyl» HDPP, JSDP, «Qazaqstannyń Orys qaýymdastyǵy» QB, Qazaqstan avtomobılshiler Federasıasynan – bir kandıdattan.