Oqý-aǵartý mınıstri Ǵanı Beısembaev Úkimet otyrysynda respýblıkada tehnıkalyq jáne kásiptik bilim berý júıesin damytý úshin bıznes-qurylymdar men ınvestorlardy tartý josparlanyp otyrǵanyn habarlady.
Ol bul dýaldy oqytý júıesin damytýǵa jáne kásiporyndardyń tapsyrysy negizinde ekonomıkaǵa qajetti mamandardy maqsatty túrde daıarlaýǵa múmkindik beretinin atap ótti.
Qazirgi tańda nebári 518 kásiporyn kolejderge sheftik qamqorlyq kórsetip otyr. Aldaǵy ýaqytta kolejdermen yntymaqtastyq ornatyp, olardyń qyzmetine qoldaý kórsetetin kásiporyndar sanyn 4000-ǵa jetkizý josparlanýda.
«Bıyl kolejder jumys berýshilermen birge 2 myńnan astam bilim berý baǵdarlamasyn ázirleıdi, 1,5 myń pedagog óndiris bazasynda taǵylymdamadan ótedi. Nátıjesinde bıznespen yntymaqtastyq jańa deńgeıge kóterilip, kolejder naqty ekonomıka salalary úshin jumysshy maman daıarlaýdyń negizgi býynyna aınalady», — dep atap ótti Ǵanı Beısembaev.