Kadrlardy daıarlaýdy tıimdi josparlaý, sondaı-aq jumyspen qamtý salasyndaǵy ahýaldy taldaý maqsatynda Eńbek jáne halyqty áleýmettik qorǵaý mınıstrligi jobalardyń Inovasıalyq navıgatoryn ázirledi, dep habarlaıdy aqshamnews.kz
Búginde platformada 755 ınvestısıalyq joba qamtylyp, 150 myń jumys ornyn qurý josparlanǵan. Eńbekaqy tóleý qorynyń mólsheri, jalaqyny ýaqtyly tóleý, áleýmettik aýdarymdar, jumys oryndarynyń sany sıaqty kórsetkishter negizinde iske asyrylyp jatqan jobalardyń tıimdiligin baǵalaýdy júzege asyrýǵa bolady.
Taldaý ártúrli aımaqtardaǵy eńbek naryǵynyń qajettilikteri men kolej stýdentteri (TjKB) túlekteriniń arasyndaǵy úlken alshaqtyqty kórsetti. Eń úlken aıyrmashylyq qurylys salasynda jáne ónerkásipte baıqalady. Sonymen qatar kadr tapshylyǵy óńirler boıynsha birkelki emes ekeni anyqtaldy.
Sondaı-aq jobalardyń Inovasıalyq navıgatoryn Qarjy mınıstrliginiń aqparattyq júıelerimen ıntegrasıalaý aıaqtaldy. Olardan derekter túskennen keıin kadrlardy daıarlaýdy memlekettik búdjet esebinen iske asyrylatyn jobalarmen úndestirý múmkindigi paıda bolady.
Memleket basshysynyń tapsyrmasy boıynsha ekonomıkany bilikti kadrlarmen qamtamasyz etý sheńberinde jumysshy mamandyqtar boıynsha 1,6 myń kásibı standart jańartyldy.
Daıyndyq sapasyn qamtamasyz etý úshin jumysshy mamandyqtar boıynsha 1,6 myń kásiptik standart jańartyldy. Olardyń negizinde bilim berý baǵdarlamalarynyń 87%-y jańartyldy. Buǵan qosa EO elderiniń standartyn qoldana otyryp, 12 myńnan astam daǵdyny qamtıtyn Elektrondyq daǵdylar banki quryldy. Bıyl taǵy 100 kásiptik standart ázirlenip, jańartylatyn bolady.
Búgingi tańda barlyq jumys isteıtin qazaqstandyqtardyń jartysynan astamynyń (52%) kásiptik nemese tehnıkalyq bilimi bar ekenin atap ótý mańyzdy. Bul 2,3 mln-ǵa jýyq adam, olar 2 myńnan astam jumysshy mamandyǵy boıynsha jumys isteıdi. Mundaı mamandarǵa degen suranystyń joǵary ekendigin bos jumys oryndarynyń kóptigi rastaıdy – byltyr ol 270 myńnan astam oryndy qurady.