Bul týraly Oqý-aǵartý birinshi vıse-mınıstri Sholpan Karınova málim etti.
Endi kolej bitirgen túlekterge dıplommen qosa, olardyń mamandyǵy boıynsha jumys isteý qabiletin kýálandyratyn qosymsha qujat beriledi., dep habarlaıdy Almaty-akshamy.kz
«Memleket basshysynyń tapsyrmasy boıynsha kolejderge akademıalyq derbestik berildi. Eńbek naryǵynyń jyldam damýyn eskersek, atalǵan shara bilim berý baǵdarlamalarynyń mazmunyn ýaqtyly jańartýǵa múmkindik beredi. Osylaısha, elimizdiń kolejderi jumys berýshilermen birlesip, bilim berý baǵdarlamalarynyń mazmuny men oqý merzimin derbes aıqyndaýǵa múmkindik aldy. Bul eńbek naryǵynyń talaptaryna sáıkes keledi», - dedi Sholpan Karınova.
Onyń aıtýynsha, jumysqa ornalasýda jas mamannyń daǵdylyq jáne biliktilik deńgeıi mańyzdy.
«Bolashaqta kolej túlekterine dıplomǵa qosymsha qujat retinde quzyrettilik kartasy beriledi. Atalǵan qosymsha qujat jas túlektiń kásiptik daıarlyǵy jáne mamandyǵy boıynsha eńbek fýnksıalaryn oryndaý deńgeıin meńgerýin kórsetedi», - deıdi ol.