Byltyr eki el arasyndaǵy taýar aınalymy 167,8 mıllıon AQSH dollaryn quraǵan.
Almaty oblysynyń ákimi Marat Sultanǵazıev Ózbekstan Respýblıkasynyń Tótenshe jáne Ókiletti Elshisi Saıdıkram Nıazhodjaevty qabyldady, dep habarlaıdy Almaty-akshamy.kz
Jıyn barysynda agroónerkásiptik keshen, saýda, kóshi-qon jáne jastar saıasaty salasyndaǵy birqatar máseleler talqylandy.
«Biz úshin memleket basshylarynyń tatý kórshilik pen ózara syılastyqqa adaldyǵyn kórsetetin qarym-qatynasy úlgi bola alady. Azyq-túlik klasteri arqyly ózbek bıznesmenderimen aımaqtyq bıznes-forým ótkizýge daıynbyz», – dedi Marat Sultanǵazıev.
Aımaq basshysynyń aıtýynsha, 2022 jyly Almaty oblysy men Ózbekstan Respýblıkasy arasyndaǵy taýar aınalymy 167,8 mıllıon AQSH dollaryn, onyń ishinde eksport – 110,8 mıllıon AQSH dollaryn, ımport – 57,1 mıllıon AQSH dollaryn quraǵan. Búgingi tańda oblystyń negizgi eksporttaýshylary sút ónimderin, kondıterlik jáne makaron ónimderin shyǵaratyn tamaq ónerkásibi kásiporyndary bolyp tabylady.
Ákimniń aıtýynsha, eger bizdiń oblys ózbek dıqandarynan erte shyqqan kókónis pen jemis-jıdek ónimin satyp alsa, kúzge qaraı Ózbekstan bizden aýyl sharýashylyǵy taýarlaryn alady.
Óz kezeginde Tótenshe jáne Ókiletti Elshi 2018 jyly Almaty jáne Tashkent oblystary arasynda kelisimder bolǵanyn jáne qazir kelisimderdi jańartý qajettiligi týyndap otyrǵanyn, bul rette Ózbekstannyń basqa oblystarynyń ákimderimen de óńiraralyq qatynastardy odan ári damytý úshin osyǵan uqsas birqatar iskerlik kezdesýler ótkizýge bolatynyn atap ótti.
Osyǵan baılanysty elshi Ózbekstanda ótetin bıznes-forýmǵa Almaty oblysynan delegasıa jiberýdi usyndy.
Kezdesý barysynda EAEO múmkindigin eskere otyryp, óńirge bıznesti tartý faktory bolyp tabylatyn Almaty oblysynyń kólik-logıstıkalyq áleýeti talqylandy.
Sonymen qatar, Marat Sultanǵazıev Saıdıkram Nıazqojaevty óńirdi odan ári damytý josparlarymen tanystyrdy.
Kezdesý sońynda taraptar saýda-sattyqty odan ári arttyrý maqsatynda bıznes-qoǵamdastyqtyń kezdesýin ótkizýge kelisti.