Kólikti 5 mınýt qyzdyrý taqyryby neshe kúnnen beri "qyzyp" tur.
Depýtattardyń úndeýinen keıin bul ereje qaıta qaralatyn boldy, dep habarlaıdy aqshamnews.kz.
Bul máseleni quramyna memlekettik organdar men depýtattar kiretin vedomstvoaralyq komısıa qaraıdy. Buǵan deıin bul normaǵa narazy bolǵan depýtattar sýyq mezgilde kólikti 5 mınýttan artyq qyzdyrǵany úshin salynatyn aıyppuldy qaıta qaraýdy talap etken bolatyn. Aıtpaqshy, birinshi ret buzǵany úshin – 19 660 teńge, qaıtalansa – 39 320 teńge aıyppul salynady.
«Osy taqyryp boıynsha depýtattyq saýal tússe, bul másele naqtylanyp, talqylanady. Sondaı-aq, tekserý qorytyndysy boıynsha qorytyndy shyǵarylady», - dedi Ádilet vıse-mınıstri Botagóz Jaqselekova.