Almatylyqtar arasynda otbasyn qurǵandar kóbeıgen, al zań qyzmetteri qoljetimdi: Almaty Ádilet departamentiniń 2024 jylǵy jumys qorytyndysy
Almatylyqtar arasynda nekege turýshylar jıilegen, 20 myńǵa jýyq turǵyn tegin zań kómegin aldy, apostıl qoıýǵa qujattardy úıden shyqpaı-aq berýge bolady. Óńirlik komýnıkasıalar qyzmetiniń brıfıńinde Almaty qalasy Ádilet departamentiniń basshysy Balaıym Kesebaeva jumys qorytyndylarymen bólisti, dep habarlaıdy aqshamnews.kz.
Statısıka kórsetkendeı, 2024 jyly Almaty qalasynda otbasy qurǵandar sany +12,09% - ǵa, nekeni buzý 2023 jyldyń sáıkes kezeńimen salystyrǵanda +1,38% - ǵa ulǵaıdy.
Atap ótilgendeı, qazirgi ýaqytta aty-jónin ózgertý týraly akt jazbasy tirkelmeıdi jáne atyn, ákesiniń atyn jáne tegin ózgertý týraly kýálik berilmeıdi. Balaıym Kesebaevanyń aıtýynsha, keıbir azamattar atyn nemese ákesiniń atyn ózgertkennen keıin bir aı ishinde jeke kýáligi men tólqujatyn aýystyrýdy umytyp ketedi. Osyǵan baılanysty spıker bir aı ishinde jeke basyn kýálandyratyn qujattardy aýystyrý qajettigin eske saldy.
Ótken kezeńde Departament 37 144 «apostıl qoıý» qyzmetin kórsetti, bul respýblıka boıynsha kórsetilgen memlekettik qyzmetterdiń 43% - yn quraıdy.
Bizdiń azamattarǵa yńǵaıly bolý úshin elektrondyq úkimet portalynda «E-Apostıl» fýnksıasy júzege asyryldy. Úıden shyqpaı, HQKO-ǵa barmaı-aq, bizdiń azamattar apostıl qoıýǵa qujattardy onlaın rejıminde tapsyra alady. Sonymen qatar, elektrondyq úkimet portaly arqyly qyzmet kórsetý merzimi bir kúndi quraıdy, bul memlekettik qyzmetti alý rásimin óte jeńildetedi.
Esepti kezeńde memleket kepildik bergen zań kómegi boıynsha jumysty uıymdastyrý nátıjeleri boıynsha advokattar 19 763 azamatqa tegin zań kómegin kórsetti. Osylaısha, ındıkator 100%-ǵa jetedi.
UOS qatysýshylary, olarǵa teńestirilgen adamdar, sondaı-aq basqa memleketterdiń aýmaǵyndaǵy áskerı qımyldardyń ardagerleri, merzimdi qyzmettegi áskerı qyzmetshiler, 1 jáne 2 toptaǵy múgedektigi bar adamdar, jasy boıynsha zeınetkerler, kóp balaly otbasylar, az qamtylǵan azamattar, zıandy óteý máseleleri boıynsha jeke tulǵalar quqyqtyq keńes berý túrindegi tegin zań kómegin ala alatynyn atap ótken jón, asyraýshysynyń qaıtys bolýynan, jumysqa baılanysty densaýlyqqa keltirilgen zıannyń ornyn toltyrýdan nemese qylmystyq quqyq buzýshylyqtan, jynystyq zorlyq-zombylyqtan, adam saýdasynan zardap shekkender, osy mártebege nemese jaǵdaıǵa baılanysty adamdar quqyqtary men zańdy múddelerin qamtamasyz etý jáne qorǵaý máseleleri boıynsha tegin zańdy keńes ala alatynyn atap ótken jón.
Inttelektýaldy menshik quqyǵyn qorǵaý:
2024 jyly zıatkerlik menshikti qorǵaý salasynda jospardan tys 109 tekserý júrgizildi. 58 mıllıon teńge bolatyn 50 000-nan astam kontrafaktilik taýarlar tárkilendi.
Atqarýshylyq qujattarmen jumys:
2024 jyly memlekettik jáne jeke sot oryndaýshylarynyń óndirisinde 731 274 atqarýshylyq is júrgizildi. Áleýmettik mańyzy bar isterge (alıment, jalaqy) erekshe nazar aýdaryldy. Boryshkerlerdi ákimshilik jáne qylmystyq jaýapkershilikke tartý boıynsha sharalar júrgizildi, bul bereshekterdi neǵurlym tıimdi óndirip alýǵa yqpal etti.