Úkimet otyrysynda kólik vıse-mınıstri Maqsat Qalıaqparov Qazaqstannyń kólik salasynyń ósýin qamtamasyz etý úshin qabyldanyp jatqan sharalar týraly baıandady, dep habarlaıdy aqshamnews.kz
Bıyl jol qurylysy jáne kólik ınfraqurylymyn jańartý salasynda aıtarlyqtaı jumystar atqaryldy. Máselen, jol-qurylys jumystarymen 12 myń shaqyrym jol qamtyldy. Tórt negizgi avtojol dálizin: Qaraǵandy–Almaty (879 km), Taldyqorǵan–Óskemen (768 km), Aqtóbe–Qandyaǵash (96 km), jáne Atyraý–Astrahan (212 km) rekonstrýksıalaý aıaqtaldy. Budan basqa, halyqaralyq tasymaldaý salasynda reformalar: sheteldik ruqsat blankileriniń elektrondyq formatyna kóshý júrgizildi. Segiz kúnnen bir kúnge deıingi merzimderdi ońtaılandyrý, sondaı-aq iri monopolıserdiń basym quqyǵy toqtatylyp, Ózbekstanmen reıster sanyn 5 myńnan 33 myńǵa deıin, Qytaımen – 50 myńnan 230 myńǵa deıin ulǵaıtýǵa múmkindik berdi.
Qoǵamdyq kólik parkiniń sońǵy 2 jylda 3 267 avtobýsqa jańartylýy tehnıkanyń tozýynyń 40%-dan 30%-ǵa deıin tómendeýine ákeldi.
Sonymen qatar 2024 jyly 1 401 shaqyrym temirjol jelisi jóndeýden ótkizilip, 185 lokomotıv, 1,6 myńnan asa júk jáne 143 jolaýshylar vagony satyp alyndy. Avıasıa salasynda qazaqstandyq kompanıalar 10 ushaq satyp alyp, tasymaldaý syıymdylyǵyn 7%-ǵa arttyrýǵa yqpal etti. Halyqaralyq áýe marshrýttarynyń jelisi 22 baǵyt boıynsha keńeıtildi. Almaty men Qyzylorda áýejaılarynda jańa termınaldardyń qurylysy aıaqtaldy, Shymkentte jumys aıaqtalý satysynda.
Osyǵan qosa, THKB dáliziniń ótkizý múmkindigin ulǵaıtý boıynsha da jumystar júrgizilip jatyr. Bıylǵy 11 aıda osy baǵyt arqyly tasymal kólemi 63%-ǵa ósip, 4 mln 100 myń tonnaǵa jetti. Konteınerlik tasymaldar 2,6 esege, onyń ishinde Qytaıdan keletin tranzıt 26 esege artqan. Jalpy alǵanda, kólik qyzmetteriniń kólemi qarjylaı túrde 13%-ǵa ósip, 7,7 trln teńgege jetti.
Onyń ishinde júk tasymalynyń ósýi baıqalady:
avtomobıl kóligimen 19,8%-ǵa;
júkterdi qubyr kóligimen tasymaldaý boıynsha 7,5%-ǵa;
temirjol kóligimen 2,6%-ǵa;
ishki tasymaldar 8,8%-ǵa;
tranzıttik júk tasymaldaý kólemi 6,1%-ǵa;
konteınerlik tranzıt 8,7%-ǵa artty.