QR ekologıa jáne tabıǵı resýrstar mınıstri Erlan Nysanbaev Úkimet otyrysynda qabyldanǵan kúsh-jigerdiń arqasynda Qazaqstanda qar barystarynyń sanyn 2 eseden astamǵa kóbeıip, 180 basqa jetkenin málim etti, dep habarlaıdy aqshamnews.kz
Ol respýblıkada qar barystarynyń sanyn qalpyna keltirý boıynsha birqatar keshendi sharalar qabyldanǵanyn, negizgi mekendeý oryndarynda 3,6 mln ga alańda erekshe qorǵalatyn tabıǵı aýmaqtar qurylǵanyn (İle Alataýy, Kólsaı kólderi, Altynemel, Saıram-Ógem, Jońǵar Alataýy, Sharyn, Tarbaǵataı, Katonqaraǵaı MUTP, Qarataý jáne Batys Altaı MTQ jáne basqa qoryqtar) atap ótti, qazir barystar mekendeıtin jerlerdiń shamamen 70%-y EQTA retinde qorǵalǵan. Esepke alý jáne monıtorıń júrgizýdiń zamanaýı ádisteri, fototuzaqtar men spýtnıktik telemetrıa belsendi qoldanylady. 11 barys spýtnıktik arnaıy moıyn qarǵysymen tańbalandy, aldaǵy ýaqytta erekshe qorǵalatyn tabıǵı aýmaqtar jelisin jetildirý josparlanyp otyr.
«Qar barystaryn qorǵaý jáne monıtorıń júrgizý boıynsha qabyldanǵan sharalardyń nátıjesinde olardyń sany 90-shy jyldardaǵy eń tómengi deńgeıden (80-100 bas) eki esege artyp, 180 basqa deıin jetti. Janýardyń bul túrin saqtap qalý jumystary jalǵasýda, transshekaralyq jáne halyqaralyq yntymaqtastyq belsendi damý ústinde», — dep atap ótti Erlan Nysanbaev.