2024 jylǵy 9 qazanda Qazaqstan Respýblıkasynyń Kólik mınıstrliginiń ǵımaratynda Marat Qarabaev pen APM Terminals Poti bas dırektory Krıstıan Róder arasynda kezdesý ótti.
Kezdesýdiń basty taqyryby júk tasymaly kólemin arttyrý jáne Transkaspıı halyqaralyq kólik baǵyty (THKB) aıasynda kólik ınfraqurylymyn damytý máseleleri boldy, dep habarlaıdy aqshamnews.kz Kólik mınıstrligine silteme jasap.
Mınıstr 2024 jyldyń 9 aıynda orta dáliz arqyly júk tasymaly kólemi 70%-ǵa ulǵaıyp, 3,4 mln tonnaǵa jetkenin atap ótti. Sondaı-aq, 2024 jyldyń 8 aıynda konteınerlik tasymal kólemi 34,6 myń DFE-ge jetip, ótken jyldyń sáıkes kezeńimen salystyrǵanda (12,6 myń. DFE) úsh ese óskenin aıtty. Qytaıdan keletin konteınerler tranzıti 20 ese ósti.
«APM Terminals Poti | Poti Sea Port Corporation» korporasıasy Grýzıanyń Potı qalasynda ornalasqan jáne Qara teńiz jaǵalaýyndaǵy mańyzdy kólik toraby bolyp tabylady. Kompanıanyń basty maqsaty – jetkizý/tasymaldaý tizbeginiń tıimdiligin arttyrý.
Taraptar Qazaqstan men APM Terminals arasyndaǵy yntymaqtastyqty odan ári nyǵaıtýǵa jáne Transkaspıı baǵyty arqyly konteınerlik tasymaldyń ósýin qamtamasyz etýge kelisti.
Kólik mınıstri Marat Qarabaev APM Terminals Poti bas dırektory Krıstıan Ródermen kezdesti
- Avtor aqshamnews.kz
- 19:24, 09 qazan 2024
Sýret: Gov.kz