Kólik mınıstri Marat Qarabaev Qurty aýylynan Astana qalasyna deıin «Almaty-Ekaterınbýrg» respýblıkalyq mańyzy bar joldy avtokólikpen júrip ótti.
Jumys sapary barysynda mınıstr «Qurty-Býrylbaıtal», «Balqash-Býrylbaıtal», «Qaraǵandy-Balqash» ýchaskelerin qaıta jańartý jumystarynyń barysyn tekserip, qurylys merdigerlerimen jıyndar ótkizdi, dep habarlaıdy Almaty-akshamy.kz Elorda.info-ǵa silteme jasap.
M.Qarabaev qasyna Kólik komıtetiniń basshysy T.Abdýllın jáne «QazAvtoJol» UK» AQ Basqarma tóraǵasy M.Qasymbaevty ertip, «Qurty-Býrylbaıtal» ýchaskesindegi jumystardyń barysymen tanysty. 2017 jyly bastalǵan jobany Todini Construzioni Generali, SP «SıneMıdasStroı», «Sınohaıdro» jáne KLV Inşaat Anonim Şirket kompanıalary júzege asyrýda. «Qurty-Býrylbaıtal» jobasynyń jalpy uzyndyǵy 228 shaqyrymdy quraıdy. Jańa asfált boıynsha qozǵalys 192 shaqyrym ashyq, al jyldyń sońyna deıin İ-B sanatty jol segmentiniń búkil uzyndyǵy boıynsha kólik qozǵalysyn qamtamasyz etý josparlanýda.
Mınıstr «Qaraǵandy-Balqash» jolynyń ýchaskesin tekserdi. Onda CITIC Construction Co jáne «SıneMıdasStroı» SP kompanıalary bastalǵan jumystardy aıaqtap jatyr. Qozǵalys 4 jolaqty joldyń 363 shaqyrymynyń 313-inde ashyq.
Aıta keterligi, qurylys nysandaryna barǵan kezde Marat Qarabaev merdiger uıymdarmen keńes ótkizdi. Olarǵa sharttyq mindettemelerdi sapaly oryndaý tapsyryldy.
«Eger kórsetilgen merzimderden artta qalǵan jobalaryńyz bolsa, bul týraly birden aıtyńyzdar. Biz de, jolda júretin jolaýshylar da shyndyqty bilýi kerek. Alaıda, bul sebep-saldaryn túsindirdik dep, ary qaraı jaıbaraqat júrýdi bildirmeıdi. Eger sizder qurylys merzimderin soza berseńizder, biz zań aıasynda tıisti sharalar qoldanamyz, tipti shartta kórsetilgendeı aıyppul salamyz. Bárine daıyn bolyńyzdar», - dedi mınıstr jol boıynda ótkizilgen jumys jınalystarynyń birinde.