Memleket basshysy bergen tapsyrmalarǵa sáıkes, Premer-Mınıstrdiń tóraǵalyǵymen ótken keńeste QR Sıfrlyq damý, ınovasıalar jáne aeroǵarysh ónerkásibi mınıstrligi mınıstr Jaslan Mádıevtiń tóraǵalyǵymen kólik-logıstıka salasyn sıfrlyq transformasıalaý boıynsha vedomstvoaralyq jobalyq toptyń qurylýyn usyndy.
Jobalyq top Sıfrlyq damý mınıstriniń buıryǵymen quryldy. Quramyna kólik, aýyl sharýashylyǵy, saýda jáne ıntegrasıa, qarjy mınıstrlikteriniń, memlekettik kirister komıtetiniń, «Qazaqstan temir joly», sondaı-aq avıasıa jáne logıstıka salalaryndaǵy iri qatysýshylardyń ókilderi endi.
Toptyń maqsaty — tranzıttik jáne mýltımodaldy tasymaldardyń tıimdiligin arttyrýǵa, ákimshilik kedergilerdi joıýǵa jáne salanyń sıfrlyq ınfraqurylymyn damytýǵa baǵyttalǵan júıeli sıfrlyq sheshimderdi ázirleý.
Jobalyq toptyń negizgi mindetteri:
- logıstıkadaǵy bıznes-prosesterdi reınjınırıng jasaý,
- qoldanystaǵy aqparattyq júıelerdi taldaý jáne ıntegrasıalaý,
- normatıvtik-quqyqtyq bazaǵa ózgerister engizý boıynsha usynystar daıyndaý,
- salanyń maqsatty arhıtektýrasy men IT-ınfraqurylymyn ázirleý,
- strategıalyq núktelerde, onyń ishinde «Qorǵas» HSHYO-da sıfrlyq sheshimderdi engizý,
- «Qazaqstan temir joly» júıelerinen Smart Data Ukimet memlekettik derekter júıesine logıstıkalyq derekterdi berý jáne óńdeýdi qamtamasyz etý,
- halyqaralyq úzdik tájirıbelerdi zerdelep, beıimdeý.
Jobalyq top aptalyq sprıntter formatynda jumys isteıdi. Bul tásil barlyq baǵyttar boıynsha turaqty ilgerileýdi qamtamasyz etedi.
Qoıylǵan mindetterdi jedel jáne fokýstalǵan iske asyrý úshin beıindi vedomstvolar men uıymdardyń qyzmetkerleri tolyq jumyspen qamtý jaǵdaıynda jobalyq toptaǵy jumysqa issaparǵa jiberildi.