Prezıdent memlekettik sýbsıdıa kólemin azaıtý qajet dep sanaıdy.
Jeńildetilgen nesıe jeltoqsannan bastap beriledi, dep habarlaıdy aqshamnews.kz
Bul týraly memleket basshysy Qasym-Jomart Toqaev aýyl sharýashylyǵy salasy qyzmetkerleriniń forýmynda aıtty.
Prezıdenttiń aıtýynsha, kóktemgi egis pen kúzgi jıyn-terin jumystaryn der kezinde qarjylandyrý – mol astyq jınaýdyń kepili.
«Jyl saıyn tólemderdi keshiktirý saldarynan sharýalar egin egý barysynda kóp qıyndyqty bastan ótkeredi. Sondyqtan meniń tapsyrmam boıynsha kóktemgi egis jumystaryna bólinetin jeńildetilgen nesıe bıylǵy jeltoqsannan bastap beriletin bolady. Sonyń nátıjesinde dıqandar janar-jaǵarmaıdy, qosalqy bólshekterdi, basqa da qajetti taýarlar men qyzmetterdi ýaqytynda satyp ala alady», – dedi prezıdent.
Sondaı-aq, memleket basshysy Qazaqstan halqyna arnaǵan Joldaýynda atalǵan salaǵa jeke ınvestısıalar tartý keregin aıtqanyn eske saldy.
«Agroónerkásip keshenin memleket tarapynan sýbsıdıalaýdy birtindep qysqartyp, onyń ornyna bankterdiń aýyl sharýashylyǵyna jeńildetilgen nesıe berýin yntalandyrǵan jón. Otandyq qarjy ınstıtýttary agrokásiporyndarǵa uzaqmerzimdi ári qoljetimdi qarajat usynýǵa tıis», – dedi Qasym-Jomart Toqaev.