BUU-nyń Klımattyń ózgerýi týraly negizdemelik konvensıasynyń (BUU KTNK) Taraptar Konferensıasynyń 29-shy sesıasynyń (SOR29) paraleldi is-sharasynda Qazaqstan Respýblıkasy halyqaralyq mindettemeler sheńberinde oryndalǵan Klımattyq eseptiliktiń nátıjelerin usyndy.
İs-sharany Qazaqstan Respýblıkasynyń Ekologıa jáne tabıǵı resýrstar mınıstrligi, «Jasyl Damý» AQ jáne BUU Damý Baǵdarlamasy (BUUDB) uıymdastyrdy. İs-sharaǵa Shyǵys Eýropa jáne TMD elderiniń halyqaralyq uıymdarynyń ókilderi qatysty, dep habarlaıdy aqshamnews.kz.
Transparenttilik máseleleri boıynsha, ONÝV-ny oryndaý barysy týraly Qazaqstan Respýblıkasynyń alǵashqy eki jyldyq baıandamasynyń negizgi derekteri, 1990-2022 jyldardaǵy antropogendik shyǵaryndylar men sińirgishterdiń kadastry týraly Qazaqstan Respýblıkasynyń Ulttyq baıandamasy, eldiń elektr energetıkalyq sektoryn modeldeý senarıleri, shyǵaryndylardyń ártúrli senarıleri, sektorlardy ekonomıkalyq transformasıalaý jáne ınvestısıalyq strategıalar boıynsha usynymdar usynyldy.
BUU KTNK talaptaryna sáıkes, árbir qatysýshy el eki jylda bir ret Taraptar konferensıalarynda Klımattyq esepterdi usynady, onda ındıkatorlardy bekitedi jáne jyl saıynǵy parnıktik gazdar shyǵaryndylaryn tirkeıdi. Eki jyldyq baıandamalar elderdiń Klımattyq maqsattarǵa qol jetkizýdegi jetistikterin kórsetedi.
2024 jyldan bastap eki jyldyq esepterge jańa komponent qosyldy-ulttyq deńgeıde anyqtalǵan salymdardyń oryndalý barysyn qadaǵalaý (ONÝV). Bul komponent qatysýshy elderge Eseptiliktiń ashyqtyǵyn arttyryp qana qoımaı, ONÝV-nyń oryndalýyn naqty baqylaýǵa múmkindik beredi, sonymen qatar ONÝV-nyń ilgerileýin kelesi eki jyldyq esepterde kórsetý ambısıasyn arttyrýǵa múmkindik beredi.
Qazaqstan BUU KTNK quramyna kiretin 197 eldiń tek 9-y ǵana SOR29 – ǵa kóliktik boıynsha eki jyldyq baıandama (Biennial Transparency report-BTR1) usyndy.