16-17 qarashada saǵat 8.00-den 17.00-ge deıin Almaty qalasynda keńeıtilgen aýylsharýashylyq jármeńkesi ótedi.
Jármeńkege Almaty jáne Jetisý oblystarynyń aýylsharýashylyq óndirýshileri men fermerler qatysady, dep habarlaıdy aqshamnews.kz.
Jármeńkege 50-den astam ónim túrleri (et jáne sút, jemis-kókónis, shujyq ónimderi, un, jarma, ósimdik jáne janýar maılary jáne t.b.) qoıylady.
Ónimniń jalpy kólemi 300 tonna quraıdy, onyń ishinde:
* Et ónimi – 80 tonna;
* Jemis-kókónis ónimi – 100 tonna;
* Sút ónimi – 60 tonna;
* Balyq ónimderi – 5 tonna;
* Ózge ónimder – 55 tonna.
Jármeńke ótetin oryn – Almaty qalasy, Sátbaev kóshesiniń boıymen Ýalıhanov kóshesi men Dostyq dańǵyly aralyǵynda.
Qurmetti kólik ıeleri!
Aýyl sharýashylyǵy jármeńkesin ótkizýge baılanysty Sátbaev kóshesiniń Ýálıhanov kóshesinen Dostyq dańǵylyna deıingi bóliginde 15 qarashasynda saǵat 20:00-den 17 qarashasynda 20:00-ge deıin jabylady.
Ýaqytsha qolaısyzdyqtar úshin keshirim suraımyz jáne marshrýtyńyzdy aldyn ala retteýińizdi suraımyz.
Jármeńkeni ótkizý kezinde №45, №95 jáne №121 baǵyttardyń syzbalary ózgeredi. Jabylatyn ýchaskeni aınalyp ótý Abaı dańǵyly boıynsha júrgiziletin bolady.