Almaty botanıka baǵy kóktemgi baqshanyń patshaıymy dep atalatyn ósimdik - forzısıa týraly tyń málimetter jarıalady.
Ashyq sary forzısıany Botanıka baǵynyń qoǵamdyq aýmaǵynda, «Shyǵys Azıa», «Eýropa, Qyrym jáne Kavkaz» jınaý alańynda, Japon baǵynan tabýǵa bolady. Bul butalar jalańash aǵashtar men japyraqsyz butalardyń fonynda barlyǵynyń nazaryn birden aýdarady, dep habarlaıdy Almaty-akshamy.kz Zakon.kz-ke silteme jasap.
Forzısıa (lat. Forsythia), forsaıtıa nemese forsısıa dep atalady. Ol - záıtún tuqymdasyna jatatyn butalar men shaǵyn aǵashtardyń tuqymy. Ǵylymı ataý ósimdikke Koróldik baý-baqsha qoǵamynyń negizin qalaýshylardyń biri shotlandıalyq botanık Ýılám Forsaıttiń qurmetine berilgen. Ol ósimdikti Qytaıdan Eýropaǵa ákeldi. Barlyq forzısıa túrleriniń týǵan jeri Shyǵys Azıa, tek eýropalyq forzısıa Albanıa men burynǵy Iýgoslavıada jabaıy tabıǵatta kezdesedi.