Prezıdent Qasym-Jomart Toqaev memlekettik qyzmetke kirýdegi artyq kedergilerdi joıý jáne odan shyǵý tártibin jeńildetý jónindegi tapsyrma bergen bolatyn.
Osy maqsatta tıisti zańnamaǵa ózgerister engizildi jáne ol naýryz aıynan bastap kúshine endi, dep habarlaıdy Almaty-akshamy.kz 24.kz-ke silteme jasap.
GPA 3.33-ten joǵary stýdentter aýdandyq jáne aýyldyq jerlerdegi tómengi memlekettik laýazymdarǵa konkýrstyq negizde, irikteýsiz tikeleı óte alady. Bul turaly MQİA Tóraǵasy búgin Astanada stýdenttermen kezdesýde aıtty.
Magıstratýra jáne doktýrantýraǵa grantqa túsken stýdentter oqýlaryn bitirgesin bir jyl aıasynda aýdandyq jáne aýyldyq apparatqa ornalasa alady. Sondaı-aq 1 naýryzdan bastap 5 memlekettik organda, atap aıtqanda memlekettik qyzmet isteri agenttiginde, Indýstrıa jáne ınfraqurylymdyq damý mınıstrliginde, Saýda jáne ıntegrasıa mınıstrliginde, Aqmola oblysy men Shymkent qalasynyń ákimdikterinde aprobasıa júrip jatyr. Iaǵnı Memlekettik qyzmet reformalanýda.
«2019 jyldan bastap Prezıdenttik jastar kadrlar rezervyn qalyptastyryp jatyrmyz. Osyǵan baılanysty qazir saıası qyzmette, A korpýsta, b korpýsta basshy laýazymdarynda ózderiniń qyzmetin atqaryp jatqan 260-tan astam bizdiń prezıdenttik jastar kadrlyq rezerviniń mamandary, jastarymyz bar. Qazirgi kezde memlekettik qyzmetshilerdiń jas memlekettik qyzmetshilerdiń 38% - jastar. Sondyqtan da qazirgi kezde jastardyń sany ulǵaıyp kele jatyr», - deıdi QR Memlekettik qyzmet isteri agenttiginiń tóraǵasy Darhan Jazyqbaev.