Táýligine 8 saǵattyq qalypty uıqyny qadaǵalaý kerek
Kóktem kútimdi qajet etedi. Bul mezgilde ımýnıtet álsireıdi. Sol sebepten, shash, tyrnaq, bet terisine erekshe kóńil bólýimiz kerek. Kóktemde bet terisi qurǵap, óńi kete bastaıdy. Túrli daqtar men bórtpeler tipti, bezeýler paıda bolady. Oǵan kún sáýlesi de áser etedi. Sondyqtan birneshe keńeske qulaq túrińiz.
- Taza aýada kóp ýaqyt ótkizińiz.
- Táýligine 8 saǵattyq qalypty uıqyny qadaǵalaý kerek.
- Kóbirek jemis-jıdekter tutynǵan jón. Un men tátti taǵamdardan bas tartqan durys. Kókónister aǵzada dárýmen jetispeýshiligin tejeıdi.
- Qysqy maýsymda aǵzada túrli toksınder jınalady. Olardan arylý úshin eń tıimdi tásil – ystyq monsha nemese vana.
- Mańyzdy nárse – bet tazartý. Iaǵnı jatar aldynda nemese tańerteń mindetti túrde tazalap, terini demaldyrǵan jón. Kóktemde sondaı-aq sý qubyrlarynda hlor deńgeıi joǵary bolady. Sol sebepten qaınaǵan nemese tazartylǵan sýmen jýǵan jón. Kosmetıkalyq tazartý quraldaryn azyraq qoldanǵan durys. Degenmen ylǵaldandyrǵash, nárlendirgish quraldardyń sapalysyn qoldanǵan tıimdi.
- Maıly bet terisine quramynda az ǵana spırti bar quraldar qoldaný usynylady. Degenmen, úı jaǵdaıynda muz tekshelerin nemese arnaıy shóp kaınatpalaryn qoldanǵan durys.
- Kóktemgi últrakúlgin sáýlege qarsy kremderde SPF-10-15 qoldanǵan jón. Sebebi sáýlelerdiń belsendiligi jazǵa qaraǵanda tómen bolady.
- Kóktem kezinde túrli alergıalar bolýy múmkin. Arnaıy sezimtal terilerge arnalǵan kremder qoldaný qajet.