Qazaqstandyq Aleksandr Gerlıs 2022 jylǵy qysqy Paralımpıada jarystaryndaǵy oıyndaryn aıaqtady, dep habarlaıdy Almaty-akshamy.kz Zakon.kz-ke silteme jasap.
Aleksandr Gerlıs úshin qysqy Paralımpıada-2022-degi bul baq synaǵan sońǵy jeke jarysy boldy.
Áý, bastan kóshbasshylyq tizginin jarys ıeleri - qytaılyq paralımpıadashylar myqtap ustap, eshkimdi alǵa jibermedi. Olar birinshi jáne úshinshi oryndardy ıelendi. Fransýz shańǵyshysy jeńis tuǵyrynyń ekinshi satysyna kóterildi.
Osy Paralımpıadada bıatlonnan qola medal ıelengen qazaqstandyq Aleksandr Gerlıs shańǵy jarysynda óz jetistigin qaıtalaý úshin bar kúshin saldy, alaıda ol qurmetti V-orynǵa ıe boldy.
Bul joǵary nátıje Aleksandrǵa Paralımpıada oıyndarynda óner kórsetkeni úshin beriletin júlde somasyn 105 myń dollarǵa deıin (qazirgi baǵam boıynsha shamamen 54 mln teńge) ulǵaıtýǵa múmkindik berdi.
Paralımpıadanyń qola medali úshin Gerlıs 75 myń dollar syıaqy alady, sprıntte shańǵy jarysynan V-oryn, 12,5 shaqyrymdyq bıatlon jáne 12 shaqyrymdyq shańǵy jarystary úshin árqaısysyna taǵy 10 myń dollardan alady.