Arýlardyń halyqaralyq kúnine oraı ótkizilgen baıqaýǵa oqýshylar men balabaqsha tárbıelenýshileri de qatysty
«Alatay aqparat» medıaholdıngi uıymdastyrǵan «Meniń anam!» taqyrybyndaǵy sýret baıqaýy máresine jetti, dep habarlaıdy Almaty-akshamy.kz.
Halyqaralyq analar kúnine oraı ótkizilgen baıqaýǵa tek qana oqýshylar emes balabaqsha tárbıelenýshileri de qatysty. Qatysýshylar arasynda Almaty qalasynyń baldyrǵan ónerpazdarynan bólek, elordanyń kishkentaı turǵyndary da bar.
Baıqaý medıaholdıngtiń ınstagramdaǵy @aqshamy.official resmı paraqshasynda ótti. Baıqaýdyń sharty boıynsha balalar «Meniń anam!» taqyryby aıasynda anasynyń sýretin salyp, vıdeo túsirdi.
Osy saıysqa atsalysyp, óz jumystaryn joldaǵan bizdiń jas sýretshilerimizge alǵys aıtamyz. Aldaǵy ýaqytta túrli baıqaýlar jalǵasyn tappaq.
«Meniń anam!» baıqaýynyń jeńimpazdary «Alatay aqparat» medıaholdınginiń dıplomymen marapattalady jáne olarǵa Almatydaǵy teatrlarǵa bıletter tabystalady. Baıqaýǵa Almaty qalasynyń «Memlekettik qýyrshaq teatry» KMQK jáne N.Sas atyndaǵy memlekettik akademıalyq balalar men jasóspirimder teatry qoldaý tanytty.
Baıqaý jeńimpazdaryn quttyqtaımyz! Ónerlerińiz órge júzsin, jas ónerpazdar!
Baıqaý jeńimpazdary:
1. Álı Baqdáýlet Erlanuly - A. Baıtursynov atyndaǵy №139 mektep-gımnazıasynyń oqýshysy (Almaty);
2. Kórkembaı Álıhan Jánibekuly - №181 mekteptiń oqýshysy (Almaty);
3.Haırolla Aısha Asetqyzy - A. Baıtursynov atyndaǵy №48 mektep-lıseıdiń oqýshysy (Nur-Sultan);
4. Aızere Ádiletqyzy - A. Baıtursynov atyndaǵy №139 mektep-gımnazıasynyń oqýshysy (Almaty);
5.Aqbaıan Qýanysh – «Erasyl» bala baqshasynyń tárbıelenýshisi, 5 jasta (Talǵar aýdany)
6. Tomırıs Kaparova - A. Baıtursynov atyndaǵy №139 mektep-gımnazıasynyń oqýshysy (Almaty);
6. Álimjan Nurlan – 4 jasta (Almaty)
8. Aqnıet Qýanysh – «Erasyl» bala baqshasynyń tárbıelenýshisi, 2 jasta (Talǵar aýdany).
Baıqaý jeńimpazdaryn marapattaý ýaqyty men ótetin kúni jáne orny jeńimpazdarǵa qosymsha habarlanady.