Máıitten qylmystyq sıpattaǵy ólim belgisi anyqtalmaǵan.
2023 jylǵy 14 qańtarda Jambyl oblysynyń Saryshaǵan stansıasyna jaqyndaǵanda "Kókshetaý - Qyzylorda" baǵytyndaǵy jolaýshylar poıyzy vagondarynyń birinde Astanadan Shymkentke deıin kúıeýimen birge jolǵa shyqqan 54 jastaǵy azamatsha kenetten qaıtys boldy, dep habarlaıdy Almaty-akshamy.kz.
Polisia.kz málimetinshe, sol kúni Shý stansıasyndaǵy jelilik polısıa bóliminde sotqa deıingi tergeý bastalǵan, al máıitten qylmystyq sıpattaǵy ólim belgisi anyqtalmaǵan.
"Tekserý barysynda áıeldiń 2019 jyldan bastap Astanadaǵy aýrýhanalardyń birinde sozylmaly aýrýmen esepte turǵany belgili boldy. Poıyz jolserikteriniń kelisimimen, kúıeýi áıeliniń máıitin oralǵan kúıinde poıyzdyń jumys istemeıtin tambýry arqyly Shymkent stansıasyna deıin tasymaldap, jetkizgen", - delingen habarlamada.
Er adam sot-medısınalyq saraptamadan úzildi-kesildi bas tartqan. Qazirgi ýaqytta poıyzda máıitti tasymaldaý deregi boıynsha materıal Jambyl oblysy boıynsha kóliktik baqylaý ınspeksıasyna berilgen.