Jemister men kókónisterdi qalaı qoldanǵan durys?
Kókónister men jemisterdi qabyǵymen tutyný, bolmasa syrtyn arshyp jeý kerek degen áńgime únemi aıtylyp jatady. Keıbireýler almany syrtymen jegen durys dep jatsa, endi bireýleri kerisinshe pikirdi ustanyp jatady. Dıetolog-nýtrısıolog Irına Mansýrova osyǵan qatysty túsindirip ótti., dep habarlaıdy Almaty-akshamy.kz.
«Jemisterdiń qabyǵy - mańyzdy element. Sondyqtan ony tastamaǵan durys. Sonymen birge, onyń paıdasy men yqtımal zıandylyǵyna asa mán bergen jón», - dedi maman «Argýmenty ı fakty» basylymyna bergen suhbatynda.
Mamannyń aıtýynsha, qıardy qabyǵymen birge jegen durys, óıtkeni onyń quramynda jasunyq, kalıı, beta-karotın jáne basqa da qorektik zattar kóp. Olardyń barlyǵy as qorytýdy, júrektiń jumysyn jaqsartady, sonymen qatar qan uıýynyń aldyn alady jáne kórýge men súıekterge oń áser etedi.
Sonymen qatar, júzim, qyzanaq, lımon, sábiz, baklajan, anar jáne ásirese almany qabyǵymen jegen paıdaly. Sońǵy atalǵandardyń syrtynda erimeıtin jasunyqtar men S jáne A dárýmenderi bar.
«Munyń bári júrekke jaǵymdy áser etedi jáne alergıalyq belgilerdi joıýǵa kómektesedi. Qabyǵy bar alma qandaǵy qantty qalypqa keltirýge kómektesedi», - dep atap ótti Mansýrova.
Degenmen, barlyq kókónister men jemisterdi qabyǵymen birge jeýge bolmaıdy. Dıetolog bul tizimge jasyl qabyǵy men daqtary bar kartopty engizdi, óıtkeni mundaı tamyr daqyldarynda solanın bar, sonyń saldarynan adam tipti ólýi múmkin. Mango da osy tizimde, biraq onyń qabyǵynyń zıandylyǵy úlken
«Qalaı bolǵanda da – siz jemistiń qabyǵyn arshyp tastaısyz ba, joq pa – jemisti sýmen jaqsylap jýyp, barlyq lastaýshy zattardy, sondaı – aq, ony óńdegen kezde qoldanylýy múmkin degen hımıalyq qosylystardy alyp tastaý kerek», - dep qorytyndylady maman.