Almaty polısıasy “Ýchaske” is-sharasy bastalǵannan beri kóshi-qon zańnamasyn buzýdyń 3 myńǵa jýyq deregin anyqtady
Bul is-sharanyń maqsaty – shetel azamattarynyń qylmys jasaýynyń aldyn alý, dep habarlaıdy Almaty-akshamy.kz.
«Qaladaǵy “Ýchaske” is-sharasynyń 23 kúniniń ishinde QR kóshi-qon zańnamasyn buzýdyń 2 951 deregi anyqtaldy. Onyń 1011-in shetel azamattary jasaǵan. Qabyldap-taratýǵa 441 sheteldik ornalastyryldy. Qazaqstannan 64 shetel azamaty shyǵaryldy. Sondaı-aq qoldanystaǵy zańnamany óreskel buzyp, sheteldikterdi qabyldaǵan 431 jeke jáne zańdy tulǵaǵa ákimshilik aıyppul salyndy», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Ótken táýlikte Almatynyń Medeý aýdanynda polısıa qyzmetkerleri zańsyz júrgenderdiń taǵy bir legin anyqtady. Qurylys alańynda Tájikstannyń 14 azamaty zańsyz jumys istegen, onyń ústine olarda jeke basyn kýálandyratyn qujattary da bolmaǵan. Quqyq buzýshylar PD-nyń qabyldap-taratýyna ornalastyryldy.