Japondyqtar men qytaılyqtar kók shaıdy baýyr aýrýlarynyń aldyn alý úshin ishedi eken.
Shaı – bul búkil álem boıynsha kóp qoldanylatyn sýsyndardyń biri. Onyń shóldi basyp, aǵzany sergitetin ári nárlendiretin qasıetteri bar. Al shaıdyń baýyrǵa áseri qandaı? Japondyqtar men qytaılyqtar kók shaıdy baýyr aýrýlarynyń aldyn alý úshin ishedi eken.
Bul týraly Almaty-akshamy.kz. Ernur.kz-ke silteme jasap habarlaıdy.
Al basqa bir zertteýlerge súıensek, qara shaı baýyr kletkalaryn alkogóldi ishimdiktiń áserinen bolatyn buzylystardan saqtaıdy delingen. Osyndaı tujyrymdarmen qatar kók shaı men qara shaıdyń baýyrǵa keltirer paıdasy men zıany jaıly tarqatyp aıtpaqpyz. Kók shaı joǵaryda aıtyp ótkenimizdeı baýyrdy aty jaman aýrýlardan saqtaýǵa septigin tıgizedi. Atalmysh sýsyndy ishý arqyly biz baýyr jasýshalaryn qorǵaı alamyz. Onyń quramyndaǵy óte kóp mólsherdegi antıoksıdanttar osyndaı kúshke ıe. Sonymen birge baýyrdy túrli toksınderden tazartady. Kók shaı qandaǵy sý-tuz almasýyn qalypqa keltirip, nesep aıdaıdy. Munyń bári baýyrdyń jumysyn jeńildetetini sózsiz. Tipti, kók shaıdyń baýyrdyń patologıalyq aýrýlarynyń aldyn alatyn keremetteı áseri bar. Alaıda kók shaıdy tym kóp ishýge de bolmaıdy deıdi mamandar. Óıtkeni kók shaıdy shamadan asyryp ishkende baýyr jetkiliksizdigine aparyp soqtyrýy múmkin. Kók shaıdy kúnine 3 shynydan artyq ishpegen abzal. Qara shaıdyń baýyrǵa áseri qandaı? Qara shaı da kók shaı sekildi aýrýdyń aldyn alýǵa kómektesetin sýsyn. Kúnine 2 ret qaraı shaı nemese kofe ishken adamnyń baýyr aýrýlaryna shaldyǵýy 25 paıyzǵa tómendeıdi degen derek bar. Qara shaıdyń ásirese qan qysymyn tómendetip, qan tamyrlary aýrýlarymen aýyratyndarǵa paıdasy zor. Sonymen qatar ystyq shaıdy urttap-urttap ishseńiz ót joldaryn tazalap, ótte tastyń paıda bolýyna jol bermeıdi. Qara shaıdyń quramyndaǵy temir, myrysh, ftor, tanın sıaqty zattardyń arqasynda osyndaı áserler berip, densaýlyǵyńyzdyń syr bermeýine septigin tıgizetinin esterińizge salamyz.