Búgin Túrkistan qalasyndaǵy Olımpıada ortalyǵynda taekvondodan (WT) eresekter arasyndaǵy Qazaqstan Kýbogy bastaldy.
Bul týraly Mádenıet jáne sport mınıstrligi Sportty damytý dıreksıasynyń baspasóz qyzmeti málimdedi, dep habarlaıdy Almaty-akshamy.kz.
Azıa oıyndaryna baratyn sportshylar irikteletin synǵa elimizdiń barlyq óńirinen 200-den astam daıan sheberi jınaldy. Olar 3 kún boıy 10 salmaqta synǵa túsedi.
Erler: 58 kg, 63 kg, 68 kg, 80 kg, +80 kg.
Áıelder: 49 kg, 53 kg, 57 kg, 67 kg, +67 kg. Bul salmaqtyń segizi Olımpıada baǵdarlamasyna kiredi.
Osy tusta bıylǵy báseke jańa júıe boıynsha ótetinin aıta keteıik. Endi ár salmaqta chempıon ataný jetkiliksiz. Ár salmaqtaǵy jeńimpaz taǵy 2 kún boıy óz salmaǵyn ustap turyp, sheshýshi kúni shırek fınalıster arasynan top jarǵan sportshymen sýperfınalda kim myqtyny anyqtaıdy. Al Azıa oıyndaryna sol aıqasta basym túsken taekvondoshy barady. Bul júıe búginde osy sport túri shyqqan Ońtústik Koreıada búginge deıin qoldanylady.
«Qazir elimizde 20 myńnan astam taekvondony serik etken adam bar. Jyl saıyn el chempıonaty men Kýbogyna 200-den astam taekvondoshy qatysady. Salystyrmaly túrde bul az kórsetkish. Soǵan qaramastan iri jarystarǵa Ulttyq qurama jasaqtaǵanda daý shyǵyp jatady. Sonyń aldyn alý maqsatynda bizdiń federasıa jyl saıyn júıeni jetildirýge baryn salyp keledi. Bıyl biz Ońtústik Koreıanyń formatyn negizge aldyq. Osydan keıin sportshylardyń daıarlyǵyna, sheshimniń ádildigine kúmán bolmaýy kerek», dedi Qazaqstan taekfondo federasıasynyń Bas hatshysy Oljas Bespaev.
Ashylý saltanatynda sóz sóılegen Sportty damytý dıreksıasynyń orynbasary Álisher Aımuhambetov dıreksıa basshylyǵy Qazaqstan Kýbogyna erekshe nazar aýdaratynyn jetkizdi. Onyń sózinshe, osy jarystan soń Ulttyq qurama Ońtústik Koreıada oqý-jattyǵý jıynyna attanady.
Alǵashqy jarys kúni erler 58 jáne 80 kelide, áıelder 49 ben 53 kelide kúsh synasty.
Túrkistandyq Asqar Ótegen fınalda Ulttyq qurama sportshysy Samırhan Ababakırovty utyp 58 keli salmaqtyń Sýperfınalyna tikeleı joldama aldy. Endi ol jeksenbi kúngi qarsylasyn kútedi. Oǵan shırek fınalǵa shyqqan myna sportshylardyń biri qarsylas bolýy múmkin:
Samırhan Ababákirov (Shymkent), Saparkeldi Mambetmuratov (Mańǵystaý), Áziret Dúısenbek (Túrkistan), Nursaıan Aıtbaev (Túrkistan), Ǵanı Qulymbet (Túrkistan), Javohırhon Islamov (Shymkent).
Nurlan Myrzabaev (Túrkistan oblysy) 80 kg salmaqtyń sýperfınalyna tikeleı shyqty. Bul salmaqta shırek fınalǵa shyqqandar: Nurqanat Qojahmet (Shymkent qalasy), Áltaır Ómirbekov (Jambyl oblysy), Abdýrahman Marıpov (Shymkent qalasy), Jandos Toǵyman (Qyzylorda oblysy), Aqan Jókenov (Ulytaý oblysy), Qalbatyr Anarbaı (Túrkistan oblysy).
Botakóz Qapanova (Qyzylorda oblysy) fınalda Rıta Bakıshevadan basym túsip, 49 kg salmaqtyń sýperfınalyna ótti. Shırek fınaldaǵy sportshylar: Rıta Bakısheva (Almaty qalasy), Nuraı Baýyrjanova (Atyraý oblysy), Aıdana Edilbaeva (Atyraý oblysy), Nadıra Ahmedova (Shymkent), Nargıza Qoıshybekova (Jambyl olbysy), Aınur Syzdyqbaeva (Almaty), Aıdana Qumartaeva (Almaty);
Bıylǵy Qazaqstan Kýbogynda 53 kg deıingi salmaqta Azıza Qarajanova (Jambyl oblysy) jeńiske jetip, sýperfınalǵa tikeleı joldama aldy. Bul salmaqta shırek fınalǵa shyqqandar: Aqnur Jamaýbaı (Almaty qalasy), Tomırıs Idrısova (Qyzylorda oblysy), Tańjuldyz Turymbetova (Túrkistan oblysy), Shamshat Aqbergen (Qyzylorda oblysy), Alına Erjan (Almaty qalasy), Karına Tolokonnıkova (Almaty qalasy), Aıdana Súndetbaı (Almaty oblysy).
Ár salmaqtaǵy shırek fınalǵa ótken 7 taekvondoshy jeksenbi kúndiz ózara kúsh synasyp, sýperfınalǵa beriler bir joldamaǵa talasady. Erteń erler 57 men 67 kelide, áıelder 63 men 68 kelide synǵa túsedi. Al jeksenbi kúni asa aýyr salmaqtar men sýperfınaldar ótedi.