Pıramıdaǵa barlyǵy 76 azamat tirkelgen.
Taldyqorǵanda Almaty jáne Jetisý oblystarynda áreket etken qarjy pıramıdasynyń uıymdastyrýshysy sottaldy, - dep habarlaıdy Almaty-akshamy.kz
Taldyqorǵan qalalyq sotynda qarjy pıramıdasyn qurý jáne basqarý týraly qylmystyq is qaraldy (QR QK-ny 217-baby, 3-bóligi). Oblys turǵyny 2018 jyly Q halyqaralyq kompanıasy saıtynda tirkelip, táýelsiz ókil sertıfıkatyn alǵan.
2019 jylǵy qazannan bastap Jetisý jáne Almaty oblystary aýmaǵynda qatysýshylardy qarjylyq pıramıdaǵa tartyp, Q-da tirkelý úshin 690-nan 860 myń teńgege deıin jarna salýdy talap etedi. Sonymen qatar, qatysýshylarǵa aptasyna 200 dollar tóleýge ýáde berildi. Dıvıdendter shynymen de qarjylyq pıramıdaǵa jańadan qosylǵan qatysýshylardan tólengen.
Pıramıdaǵa barlyǵy 76 azamat tirkelip, qatysýshylardyń jalpy shyǵyny 61 mıllıon teńge bolǵan.
Sot jaza taǵaıyndaý kezinde asyraýynda eki kámeletke tolmaǵan balasynyń bolýy, birinshi ret qylmys jasaýy jáne aýyrlatatyn mán-jaılardyń joqtyǵy túrindegi jaýaptylyqty jeńildetetin mán-jaılardy eskeredi. Sottalýshy kináli dep tanylyp, oǵan alty jyl merzimge bas bostandyǵynan aıyrý jazasy taǵaıyndaldy. Jábirlenýshilerdiń azamattyq talaptary qanaǵattandyrylǵan.