M.Gandı saıabaǵynda balalar kúnine oraı «Kitap álemindegi baqytty balalyq shaq» atty is-shara ótti.
Merekelik shara Almaly aýdany ákimdiginiń qoldaýymen Halyqaralyq balalardy qorǵaý kúninde qala turǵyndarynyń, onyń ishinde búldirshinderdiń kóńil-kúıin kóterip, qala ishin kórkeıtý maqsatynda uıymdastyryldy.
"Búgin merekelik baǵdarlama negizinde M.Gandı saıabaǵynda ulttyq oıyndar men sporttyq jarystar oınatyldy. Sondaı-aq, "Sheber qoldar" úıirmesi boldy, «Jarqyn jaz» baǵdarlamasy aıasynda sýretshiler saıysy ótti. İs-shara aıasynda balalar óz ónerlerin kórsete aldy. Dombyra tartyp, án-kúılerimen kópshilikti tánti etti", – dedi №4 kitaphana bólimshesiniń qyzmetkeri Tolqyn Quramysova.
Uıymdastyrýshylar shara aıasyndaǵy jarystardyń jeńimpazdaryna ártúrli syılyqtar berip, odan bólek barlyq búldirshinderge qyzyqty kitaptar syılady. Saıabaq aýmaǵyndaǵy jarysa júgirgen balalar men júzderi jarqyraǵan ata-analar merekelik kóńil-kúıde júrdi.