Kezdesýde Aýǵanstandaǵy daǵdarysty turaqtandyrý, gýmanıtarlyq kómek kórsetý jáne áleýmettik-ekonomıkalyq jaǵdaıdy qalpyna keltirý jónindegi halyqaralyq kúsh-jiger aıasynda Qazaqstan men BUU arasyndaǵy yntymaqtastyqty damytýdyń perspektıvalary talqylandy.
Qasym-Jomart Toqaev BUU Bas hatshysynyń arnaýly ókili jáne Aýǵanstanǵa kómek kórsetý jónindegi BUU mısıasynyń basshysy Debora Laıonsty qabyldady, dep habarlaıdy Almaty-akshamy.kz Aqordaǵa silteme jasap.
Memleket basshysy Qazaqstannyń terorızm men ekstremızmge qarsy kúres, Aýǵanstanǵa gýmanıtarlyq kómek kórsetý, aýǵan stýdentteri úshin bilim berý baǵdarlamalaryn jalǵastyrý salalary boıynsha halyqaralyq qoǵamdastyqpen jan-jaqty yntymaqtastyqty jalǵastyrýǵa beıildi ekenin rastady.
Debora Laıons Memleket basshysyna Eýropalyq Odaq pen Ortalyq Azıanyń Aýǵanstan jónindegi arnaýly ókilderiniń keshe Almatyda ótken ekinshi kezdesýiniń qorytyndysy, sondaı-aq UNAMA keńsesiniń Aýǵanstandy qalpyna keltirý úshin qabyldaǵan sharalary jóninde málimet berdi.