Shara eki el arasynda dıplomatıalyq qatynas ornaǵanyna 30 jyl tolýyna oraılastyrylyp otyr.
İs-sharalar Máskeý, Astrahan jáne Qazan qalalarynda josparlanǵan, dep habarlaıdy Almaty-akshamy.kz
Bıyl Reseıde Qazaqstannyń mádenıet kúnderi ótedi, dep habarlady Reseı Prezıdentiniń halyqaralyq mádenı yntymaqtastyq jónindegi arnaıy ókili Mıhaıl Shvydkoı.
«Eki el arasynda dıplomatıalyq qatynas ornaǵanyna 30 jyl tolýyna oraı 13 qyrkúıekten bastap Reseıde Qazaqstannyń mádenıet kúnderi bolady. Bul bizdiń mádenı baılanysymyzǵa serpin beredi dep oılaımyn», - dedi Shvydkoı.
Shara aıasynda eki eldiń mádenıet qaıratkerleri men mádenıet mınıstrleriniń kezdesýleri ótedi.
«Bul kóptegen adam qyzyǵýshylyq tanytyp otyrǵan keń aýqymdy oqıǵa. Meniń oıymsha, baılanysymyz jaqsara túsedi», - dep qosty Shvydkoı.
Mıhaıl Shvydkoı qazir Qazaqstanda saparmen júr. Ol mádenıet jáne sport, aqparat jáne qoǵamdyq damý mınıstrlikteriniń basshylarymen kezdesýler ótkizdi.