Shotlandıanyń Aberdın qalasynda ótip jatqan kórlıngten aralas komandalar arasyndaǵy álem chempıonaty bel ortasyna jetti. Qazaqstan tarıhta alǵash ret álem chempıonatynyń pleı-off kezeńine joldama aldy, dep habarlaıdy aqshamnews.kz.
QR Týrızm jáne sport mınıstrligi Sportty damytý dıreksıasynyń baspasóz qyzmetiniń habarlaýynsha, ulttyq qurama E tobyndaǵy 6-týrda Ýkraına oıynshylarynan basym tústi. Tartysty machtyń esebi - 8-7. Al qatar ótken kezdesýde negizgi qarsylas Shveısarıa jeńilip qaldy. Osylaısha, Qazaqstan tarıhta alǵash ret álem chempıonatynyń pleı-off kezeńine joldama aldy.
Osyǵan deıingi Qazaqstannyń kórsetkishi:
- 2018 jyly 34-oryn (35 komanda)
- 2019 jyly 21-oryn (40 komanda)
- 2020-2021 jyly álem chempıonaty ótken joq.
Erteń, 18 qazanda Abylaıhan Júzbaı, Tylsymaı Allıarova, Aıdos Allıar men Mereı Tastemir sońǵy týrda Belgıamen oınaıdy. Al 18 qazanda - 1/8 aınalym men shırek fınal. Jartylaı fınal men fınal 19 qazanǵa josparlanǵan.