Zań jobasyna túzetýler mindetti dýbláj nemese fılmniń qazaq tilindegi túpnusqasyn talap etýge baǵyttalǵan.
Mádenıet jáne sport mınıstrligi Nur Otan partıasynyń saılaýaldy baǵdarlamasyn oryndaý jónindegi Jol kartasyn iske asyrý maqsatynda «Kınematografıa týraly» zańǵa ózgerister engizýdi josparlap otyr, dep habarlaıdy Almaty-akshamy.kz QR Mádenıet jáne sport mınıstrliginiń baspasóz qyzmetine silteme jasap.
Sondaı-aq, sózderdiń orfografıalyq normalary men tártibiniń saqtalýyn, olardyń durys qurastyrylýy men aıtylýyn qamtamasyz etý úshin tıisti normalar qabyldandy.
Qazirgi ýaqytta múddeli organdar, qoǵamdyq uıymdar ókilderinen jáne kınematografıa qaıratkerlerinen jasaqtalǵan jumys toby quryldy.
Zań jobasy Úkimette bıyl qazan aıynda qaralady. Sodan keıin ol jeltoqsanda Parlament Májilisiniń qaraýyna jiberiledi. Jol kartasyna sáıkes 2022 jyly zańdy qabyldaý josparlanyp otyr.