Qazaqstanda sheteldiń áskerı bazasy da ornalastyrylmaıdy.
Bul týraly búgin Prezıdent Qasym-Jomart Toqaev Dýshanbede ótken Ujymdyq qaýipsizdik uıymynyń sesıasynda málimdedi, dep habarlaıdy Almaty-akshamy.kz
Memleket basshysy Ujymdyq qaýipsizdik uıymynyń bitimgerleri Aýǵanstandaǵy ahýaldy retteýge atsalysatynyn aıtty.
«Endi Ujymdyq qaýipsizdik týraly shart uıymynyń bas hatshysy ári bitimgeri qyzmeti paıda bolady», - dedi Prezıdent.
Ol soǵys oty sharpyǵan aımaqtarǵa baryp, kúrmeýli máselelermen aınalysady.
«Aýǵanstannyń jańa bıligimen is-qımyldardy úılestirý jáne yqpaldastyqty qamtamasyz etý jóninde naqty sharalar qabyldaýdy usynamyn. Jańa aýǵan bıliginiń shekaralas memleketter men aımaqtarǵa terorızm qaýpiniń taralmaýyna jol bermeý jónindegi mindettemelerin oryndaýy – bizdiń aıqyn basymdyǵymyz. Bul esirtki tasymaly men zańsyz kóshýge qatysty. Olarmen kúres barlyq múddeli taraptardyń ujymdyq kúsh-jigerin talap etedi. Jıynda Aýǵanstannyń jańa bıligimen saýda-ekonomıkalyq qatynasty jandandyrý máselesi de qaraldy. Sondaı-aq Ortalyq Azıadaǵy syn-qaterlerdi aldyn alý boıynsha naqty sharalar qabyldandy», - dedi Qasym-Jomart Toqaev.