Madrıdtik "Realdyń" juldyzy, fransýz shabýylshysy Kılıan Mbappe Almatyda ótken Chempıondar lıgasynyń machy aıasyndaǵy sapary jaıly aıtty, dep habarlaıdy Aqshamnews.kz. tilshisi.
Komandadaǵy áriptesi, túrik jartylaı qorǵaýshysy Arda Gúler áleýmettik jelide madrıdtik klýbtyń Qazaqstanǵa jasaǵan ushý saparynan birneshe sýret jarıalaǵan. Sol fotolardyń birinde ushaqta uıyqtap otyrǵan Mbappe de kózge tústi.
Fotosýretterdi kórgen Kılıan Mbappe ázil-shyny aralas pikir qaldyrdy:
"Qazaqstanǵa barǵan sapar ońaı bolmady, bro", – dep jazdy fýtbolshy.
Eske salaıyq, Almatyda ótken "Qaırat" – "Real" machy Chempıondar lıgasynyń ekinshi týry aıasynda uıymdastyryldy. Ispandyq BAQ dereginshe, madrıdtik komandaǵa Qazaqstanǵa baryp-qaıtý úshin shamamen 13 myń shaqyrym jol júrýge týra kelgen.
Bul sapar tek Qazaqstanda ǵana emes, Eýropada da erekshe nazarǵa ilikti. Ispan basylymdary "Realdyń" Almatyǵa kelýin "erekshe jaǵdaı" dep baǵalasa, almatylyq jankúıerler klýbty jyly qarsy alyp, oıynshylarǵa óz qoldaýlaryn kórsetti. Oıyn 0:5 esebimen ıspandyq klýbtyń paıdasyna jazyldy.