Belgili aktrısa ári prodúser Darıǵa Badyqova men akter Darhan Musaevtyń otbasylyq ómirine qatysty sońǵy pikirtalasqa akter Oljas Abaı da ún qosty, dep habarlaıdy Aqshamnews.kz tilshisi.
Oljas Abaı áleýmettik jelidegi paraqshasynda ózine qatysty aıtylyp jatqan syndar men jelidegi qaýesetterge jaýap berdi.
“Bir semány nege buzasyń degen jandarǵa” aıtarym. Oý aǵaıyn! ómirge renishi barlar, jaman sóz jazyp meni jerden alyp jatqandaryń oryndy emes. Osy ýaqytqa deıin men túsken kınolardy kórip, malades dep qoshamet soǵyp endi aıaq asty bir bir jaqty oılanatyn adamnyń “qyzǵanyshyna” senip meniń ónerge degen essiz súıispenshiligimdi adamǵa degen shynaıy qarym qatynasymdy jerge taptamańdar. Nekedegi áıelge ajyramaı jatyp kóz salatyn men ne basynda mıy joq essiz esalań deısińder me. Ańdamaı sóılegen degen bar qazaqta. Basymnan bireýdiń fantazıasyn asyryp otyra almaıdy ekem. Ár nárseniń sońy bolady. Eshkim jaýapsyz qalmaıdy", – dep jazdy akter.
Ol sondaı-aq óziniń kóp jyldyq eńbegin jáne ónerdegi bedelin atap ótti:
"15 jylda 25 ten asa kınotýyndyǵa túsip, rekord jasap, halyqtyń mılıonnyń qoshametine bólenip Darıǵadaı minezdi myqty aktrısamen partner bolyp jumys jasap jetistikke qol sozǵan men - dáp sol jerden qatelesip qalmaıtyn shyǵarmyn. Basymdy bala kúnnen tik kóterip júrgem, ary qaraı da júre berem", – dedi Oljas Abaı.
Aıta keteıik, buǵan deıin Darıǵa Badyqovanyń burynǵy jubaıy Darhan Musaev jýrnalıs Nurseıit Jylqyshybaıǵa suhbat berip, 16 jyldyq nekesi, týystarymen qarym-qatynasy jáne jeke ókinishteri týraly aıtqan bolatyn. Ol ózin "kúshik kúıeý" bolǵanyna ókinetinin ashyq jetkizgen edi.
Al Darıǵa Badyqova burynǵy kúıeýiniń sózderimen kelispeıtinin málimdep, neke kezinde "baqytty ómir bolmaǵanyn" jáne ajyrasýdyń óz sebepteri bar ekenin jazdy.
Akterlerdiń jeke ómirine qatysty bul pikirtalas áleýmettik jelide qyzý talqylanyp, jurt arasynda túrli reaksıa týdyryp jatyr.