Kıim óndirýshileriniń kópshiligi áli kúnge deıin adam densaýlyǵy men qorshaǵan ortaǵa qaýip tóndiretin PFAS (perftoralkıl jáne polıftoralkıl zattar) nemese «máńgi hımıalyq zattardy» paıdalanady.
Bul jaıynda islam.kz portaly The Guardian aqparat kózine silteme jasaı otyryp málim etedi, dep habarlaıdy Almaty-akshamy.kz.
Ethical Consumer kompanıasynyń ekologtary keıbir garderob zattarynyń qaýiptiligi týraly eskertti. Atalmysh uıymnyń sarapshylary etik, rúkzak jáne syrt kıim shyǵarýǵa mamandanǵan 27 kompanıanyńónimderin zerttep kórgen eken. Ónimderdiń 82 paıyzynda PFAS bar, olar qorshaǵan ortada bıologıalyq turǵydan ydyramaıdy jáne adam aǵzasynda jınalýy múmkin. «Máńgilik hımıalyq zattar» joǵary holesterın, sondaı-aq, bedeýlik pen qaterli isik qaýpin arttyrýy múmkin.
PFAS matanyń sý ótkizbeýine jáne kıimniń ońaıshylyqpen kirlemeýine kómektesedi. Mundaı hımıalyq zattar qorshaǵan ortaǵa tek kıim óndirý kezinde jáne polıgonǵa tastalǵannan da ǵana emes, sonymen qatar, adamdar ónimdi tutynǵan kezinde de túsedi. PFAS ózen-kólden, Everest shyńynan jáne 600-den astam janýardyń, sonyń ishinde aq aıýlar men delfınderdiń organıziminen tabyldy. Degenmen, kompanıalardyń kóbisi «kıimniń sapasy joǵalady, klıentterden aıyrylamyz» degen jeleýmen jaqyn arada PFAS-tan bas tartýdy josparlap otyrǵan joq. NRDC uıymynyń sarapshylary densaýlyǵyna salǵyrt qaramaıtyn tutynýshylardy quramynda máńgilik hımıalyq zattary bar kıim ónimderinen bas tartýǵa shyqyryp otyr. Ol úshin kıim óndiretin resmı saıtyna kirip, ónimniń quramyn tekserip baryp satyp alýǵa keńes beredi.