Almaty qalasynyń polısıasy Almaty áýejaıyndaǵy tártipti óz deńgeıinde baqylaýda ustaıdy.
Almaty halyqaralyq áýejaıynda zańdylyq pen tártipti qamtamasyz etý, sondaı-aq jeke taksı júrgizýshileriniń Almaty qalasyna kelgen azamattardyń mazasyn alý dereginiń jolyn kesý maqsatynda kún saıyn ýchaskelik polısıa ınspektorlary men patrúldik polısıa qyzmetkerleri kezekshilikke kirisedi, dep habarlaıdy Almaty-akshamy.kz.
– Almaty qalalyq halyqaralyq áýejaıy – qalanyń kórikti jerleriniń biri. Sondyqtan onyń aýmaǵynda qoǵamdyq tártipti qamtamasyz etý maqsatynda aldyn alý sharalary qarqyndy júrgizilip jatyr. Jyl basynan beri atalǵan salada QR ÁQbK-niń 449-babynyń normalaryn buzý boıynsha 124 derek, sondaı-aq QR ÁQbK-niń 163-baby boıynsha 13 derek anyqtaldy. Sonymen qatar jol qozǵalysy erejesin buzǵan myńnan astam azamat jaýapkershilikke tartyldy, – dedi Túrksib aýdandyq polısıa basqarmasy bastyǵynyń birinshi orynbasary Baqyt Myrzaǵalı.
Sondaı-aq onyń aıtýynsha, jolaýshylar tasymalymen aınalysatyn júrgizýshilermen profılaktıkalyq jáne túsindirý jumystary júrgizilip jatyr. Basty maqsat – olardyń tarapynan azamattar men sheteldikterge qatysty zańsyz áreketterdiń aldyn alý.