Almatyda sot sheshimi boıynsha KHAN turǵyn úı kesheni súriledi, dep habarlaıdy Almaty-akshamy.kz
Almatynyń qala qurylysyn baqylaý basqarmasy zańsyz turǵyn úı keshenin súrýdiń bastalǵany týraly habarlady.
Almaty ákimdigi men qalalyq sybaılas jemqorlyqqa qarsy qyzmettiń birlesken jumysy aıasynda taýly jerlerde zań talaptary men qurylys normalaryna múldem saı kelmeıtin salynyp jatqan 52 nysan anyqtaldy. Solardyń biri – Vıtebskaıa kóshesi, 44/3,44 A mekenjaıda ornalasqan KHAN turǵyn úı kesheni.
Bul nysandy «Tennis.kz» JSHS salǵan, eskızdik joba kelisilmegen, avtorlyq jáne tehnıkalyq qadaǵalaý, saraptama qorytyndysy joq, qurylys-montaj jumystarynyń bastalǵany týraly habardar etpegen.
Tapsyrys berýshige qatysty basqarma ÁQBtK - niń 316-baby 1-bóligi, 321, 462-bóligi boıynsha sharalar qabyldady, sondaı-aq aǵymdaǵy jyldyń 28 sáýirinde Almaty qalasynyń SMES - na keshendi súrý jóninde talap aryz berdi.
Sot talqylaýlary aıaqtalǵannan keıin 2023 jylǵy 24 qazanda Almaty qalalyq sotynyń qaýlysymen obektini buzý týraly birinshi satydaǵy sottyń sheshimi ózgerissiz qaldy.
Zańsyz obektini buzý Ádilet departamentiniń sot oryndaýshylarynyń qatysýymen júrgiziledi.
Aıta keterligi, taǵy 19 nysan boıynsha tolyq nemese ishinara buzý, ýchaskeni bastapqy kúıine keltirý jáne nusqamany májbúrlep oryndaý týraly sot sheshimderi zańdy kúshine endi.