2023 jyly Almaty kóshelerinde 3,9 myńnan astam jol belgisi ornatylyp, aýystyryldy, dep habarlaıdy Almaty-akshamy.kz Almaty qalalyq mobıldilik basqarmasyna silteme jasap.
Almatyda jol qozǵalysy qaýipsizdigin arttyrý, kóliktiń ótkizý qabiletin qamtamasyz etý jáne jaıaý júrginshilerdiń qozǵalysyn retteý boıynsha keshendi jumys júrgizilip jatyr.
Kólik júrgizýshilerine túngi ýaqytta kórinýi úshin 2023 jyly 95 rettelmeıtin jaıaý júrginshiler ótkelinde qyzǵylt sary jıekteri bar jol belgileri aýystyryldy. Sonymen qatar, 102 kóshede eki baǵyttaǵy joldardaǵy kóliktiń ortasyn bóletin jalpy aýdany 264 280 sharshy metr jol tańbasy syzylǵan. 796 jaıaý júrginshiler ótkelinde "Jaıaý júrginshiler ótkeli" jol belgileri syzylǵan.
Balalar qaýipsizdigin qamtamasyz etýge de erekshe nazar aýdarylady. Qazir balalar qaýipsizdigin qamtamasyz etý jáne olardyń jaraqattanýyna jol bermeý úshin jaqyn mańdaǵy 80 jalpy bilim berý mekemesinde metal qorshaýmen qorshaldy.
Buǵan qosa, jol qozǵalysyna qatysýshylardyń nazaryn aýdarý úshin 3 myńnan astam jol belgisi ornatylyp, 900-ge jýyq "Eń joǵary jyldamdyqty shekteý", "Nazar aýdaryńyz, balalar", "Jaıaý júrginshiler" jáne t.b. aqparattyq-kórsetkishtik panelder aýystyryldy.
Sonymen qatar, jol qozǵalysyna qatysýshylardyń qaýipsizdigin qamtamasyz etý úshin bıyl 15 baǵdarsham men 40 retteletin jaıaý júrginshiler ótkelin (ótý túımesi bar baǵdarsham) salýǵa jobalaý-smetalyq qujattama ázirleý josparlanyp otyr.