Tanymal ánshi Qaırat Nurtas qoǵamdyq tártipti buzǵany úshin ustaldy, dep habarlaıdy almaty-akshamy.kz
Aqparatty Joǵarǵy sottyń baılanys bólimi rastady.
Astananyń ákimshilik quqyqbuzýshylyqtar jónindegi mamandandyrylǵan aýdanaralyq sotyna ÁQBtK-niń 434-babynyń 2-bóligi (jyl ishinde qaıtalap jasalǵan usaq buzaqylyq) jáne ÁQBtK-niń 73-baptyń 1-1-bóligi (densaýlyqqa qasaqana jeńil zıan keltirý) boıynsha Q.A.-ǵa qatysty eki materıal kelip tústi, - dedi Joǵarǵy sottaǵylar.
Kóliktegi polısıa basqarmasynyń baspasóz qyzmetiniń málimetinshe, «Almaty-Astana» reısiniń bortynda usaq buzaqylyq jáne densaýlyqqa qasaqana jeńil zıan keltirý faktisi boıynsha ákimshilik is qozǵalyp, materıaldar sotqa qaraý úshin joldandy.
Eske salsaq, buǵan deıin Qaırattyń anasy Aıdarbekova aspanda shý shyǵarǵany týraly jazǵan edik.