Қабатовтың соңын ала танымал продюсер Гүлзира Айдарбекова да ұшақта шу шығарып, бортсерікпен кикілжіңге келіп қалды, деп хабарлайды аlmaty-akshamy.kz.
Гүлзира Айдарбекова Instagram парақшасында өзінің ұшақтағы жағдайын баяндады. Ол елге аман-есен оралуына қуанып отырғанын, бірақ ұшақта болған келеңсіз оқиға оны ашуландырғанын айтты.
"Елге ұшып келемін. Отбасымызға аман-есен оралайық! Қатты қуанып келе жатырмын. Елге сағынып жетемін. Қыдырған жақсы, үйіңде болған одан да жақсы. Ұшақта адам аз екен. Жаңа ұйықтаймын деп отыр едім. Бордсерік қызбен ұрысып қалдым. Неге дейсіздер ме? Мен одан екі түрлі дәм сұрадым. Бірі – сиыр еті, екіншісі ащы «тауық еті». «Бізде ол қалмады, бітіп қалды» деп тұр. Ұшақта адам аз. Қалай бітіп қалады?! Түсініксіз. Біз не үшін бизнес класпен ұшамыз?! Қазақстанда да осындай мәселе алдыңнан шыға береді. Негізі аш та емеспін. Өйткені үйге барған сайын келіндерім сүрленген етін асып, күтіп алады. Сонда да бұлардың тірліктеріне таңғалдым, ашуландым. Ақшаны алғанда бәледей өздері. Осы ұшаққа мысалы үшін, 455 мыңға билет алдым. Енді соны қалайша реттемейді бұлар?! Сол ақшаның ішіне тамақты неге кіргізбейді? Бұлардікі мүлдем дұрыс емес," – деп жазды Гүлзира Үсенқызы.
Ол сөзін түсініп, кешірім сұрағанын да айтып өтті.
Еске сала кетсек, бұған дейін Тұрсынбектің ұшақтағы әрекеті үшін қамауға алынғаны жайында жазған болатынбыз.