Kýrstar qazaq jáne orys tilinde júrgiziledi, uzaqtyǵy – 72 saǵat.
Eńbek mınıstrliginiń jobasy arqyly Skills Enbek bilim berý platformasynda ár túrli tegin kýrstardy oqýǵa bolady, dep habarlaıdy Almaty-akshamy.kz
Mysaly Data Scientist kýrsyn derekter ǵylymy salasyn meńgergisi keletinderge oqýǵa bolady. Kýrs qatysýshysy derekterdi jınaý, óńdeý jáne taldaý daǵdylaryn, mashınalyq oqytý negizderin ıgeredi.
Baǵdarlamalaýǵa qyzyǵýshylyq tanytqandarǵa "Jańadan bastaýshylarǵa arnalǵan Python" tegin kýrsy bar. Bul kýrs álemdegi eń tanymal Python tiliniń negizgi sıntaksısinen derekqorlarmen jumys isteýge jáne nysanaǵa baǵyttalǵan baǵdarlamalaýǵa kirispege deıingi taqyryptardyń keń aýqymyn qamtıdy.
Qazaqstanda kıberalaıaqtardyń kúsheıýine oraı "Internet qaýipsizdigi mamany" kýrsy da ózekti sanalady. Munda ınternet qaýipsizdiginiń barlyq negizgi aspektileri qamtylady. Kýrstan keıin maman túrli saladaǵy kıber qaýipterdi tıimdi anyqtaýǵa jáne aldyn alýǵa múmkindik alady.
"Prodakt-menedjer" kýrsy ónimderdi basqarý salasynda mansabyn damytýdy kózdegen adamdarǵa arnalǵan. Kýrsta osy salada tabysty mansap bastaýǵa qajetti bilim men daǵdylar úıretiledi.
Personaldy basqarý negizderin úırengisi keletinder HR menedjeri kýrsyn oqı alady. Kýrsta HR salasyndaǵy kásibı jolyn endi bastaǵandar úshin arnaıy jasalǵan jáne barlyq qajetti bilim men daǵdylar qamtylǵan.
Kýrsty aıaqtaǵannan keıin qatysýshy biliktilikti meńgergeni týraly sertıfıkat alady, ol elektrondyq eńbek bırjasyndaǵy túıindemede avtomatty túrde kórsetiledi.