Alyp shaharlardyń jıyntyq úlesi 81%-ǵa jetip tur.
QR-daǵy on jańa páterdiń segizi Astana men Almatyda, dep habarlaıdy Almaty-akshamy.kz
QR SJRA USB derekteri boıynsha sáýirde eki qalada kóppáterli úılerden 6,5 myń páter paıdalanýǵa berilgen, onyń 4 myńy Astanaǵa tıesili.
QR boıynsha barlyǵy 8 myń páter paıdalanýǵa berilgen, ıaǵnı megapolısterdiń jıyntyq úlesi 81%-ǵa jetip tur. Salystyrmaly túrde, bir jyl buryn 75%, al 2023 jyldyń ortasha aılyq deńgeıi 60% bolǵan. Qazirgi kórsetkish kem degende 2019 jyldyń basynan beri kez kelgen aıdyń eń joǵary kórsetkishi bolyp tur.
Sáýirde Astanada paıdalanýǵa berilgen páterler sany jyldan jylǵa 36%-ǵa, Almatyda eki esege artqan. Jalpy elimiz boıynsha, eki astanany qospaǵanda, paıdalanýǵa berý kórsetkishi de ósken, biraq asa kóp emes - 8%.
Endi jyl basynan bergi sandardy qarastyraıyq. QR boıynsha 4 aıda kóppáterli úılerden barlyǵy 33,4 myń páter paıdalanýǵa berilgen, onyń ishinde Almatydan - 7,3 myń, Astanadan - 15,2 myń. Eki qalanyń úlesi birge 67%-dy qurady, bul da kem degende sońǵy bes jyldaǵy osy kezeń úshin eń joǵary kórsetkish bolyp tur.