Saıası-ekonomıkalyq reformalar qoǵamda qyzý talqylanyp jatyr.
Bul rette el prezıdenti de oı men usynystyń ashyqtyǵyna mán berý kerektigin aıtqan edi. Sebebi Qazaqstannyń saıası, áleýmettik, ári ekonomıkalyq damýy eń aldymen halyqtyń áleýeti úshin kerek. Osylaı degen saıasatkerler búgin Konstıtýsıalyq reformanyń quqyqtyq negizin taldap, onyń aspektilerine jan-jaqty toqtaldy, dep habarlaıdy Almaty-akshamy.kz
«Ras, elimizde narazylyq bar, ýáj aıtylyp jatyr, túrli talap qoıyldy. Menińshe, máseleni ýshyqtyrmaı, meılinshe órkenıetti, mádenıetti saqtap, zańdyq jolmen, referendým men saılaý, saılaýǵa túsý arqyly, óz saıası partıańdy usyný arqyly, óz saıası qozǵalysyńdy qurý, atsalysý arqyly júrgizýge bolady. Bul aınalyp kelgende órkenıetti álemniń qoldanyp otyrǵan praktıkasy», – dedi saıasatker Rasýl Jumaly.
«Kez kelgen memleket úshin saıası reforma tarıhı mánge ıe» deıdi mamandar. Al bul jolda eldiń aq-qarany ajyratyp, barynsha saýatty áreket etýi asa mańyzdy.
«Referendým ótkeli shırek ǵasyrdan asty, 2-ret ótkizileıin dep turǵan referendým jáne transformasıalyq ózgeristerge ákeledi. Biraq máseleni ýshyqtyrmaı, ishki-syrtqy saıası yqpaldardy eskere otyryp, osyndaı ózgeristerge abaılap barý kerek dep oılaımyn», – dedi fılosofıa ǵylymdarynyń doktory, profesor Baqytjan Satershınov.