Almaty qalasy Máslıhaty depýtattarynyń bastamasymen, tórt saıası partıalardyń depýtattary kezdesý uıymdastyrdy.
Basqosýda Prezıdent Qasym-Jomart Toqaevtyń bastamasymen Jańa Qazaqstannyń berik quqyqtyq irgesin qalaýǵa baǵyttalǵan Konstıtýsıaǵa túzetýler paketiniń strategıalyq mańyzdylyǵy men ýaqtylyǵy atap ótildi.
Kezdesýde Máslıhat hatshysy Stanıslav Kankýrov, partıa fraksıalary men turaqty komısıalardyń basshylary Rahat Shımasheva, Kópesbaı Jampıısov, Alıbek Shapenov, Mahambet Hasenov jáne basqa da depýtattar sóz sóıledi.
Ata zańǵa túzetýler qabyldanǵan jaǵdaıda Máslıhattardyń halyq múddesin bildiretin ókilettigi arttyrylady. Sondaı-aq, «Oblys ákimderiniń janama saılaýyn» engizý josparlanýda, onda Prezıdent eki kandıdatty usynatyn bolady. Al ákimder oblys aýmaǵyndaǵy Máslıhattarmen saılanady.
«Búgin biz Máslıhatqa usynylǵan depýtattyq fraksıalar men turaqty komısıalar basshylarynyń otyrysyn ótkizdik, onda depýtattar Konstıtýsıaǵa ózgerister engizý máseleleri boıynsha referendým ótkizýge baılanysty Memleket basshysynyń reformalaryna biraýyzdan qoldaý bildirdi. Sonymen qatar, Almaty qalasynyń depýtattary aldaǵy referendýmǵa qatysty qala turǵyndarymen 100-den astam kezdesý ótkizgenin atap ótý qajet. Osy is - sharalar barysynda azamattar Memleket basshysynyń bastamalaryna belsendi túrde qoldaý bildirýde», - dedi Máslıhat hatshysy Stanıslav Kankýrov.
Sonymen qatar, «Qazaqstan Respýblıkasyndaǵy jergilikti ózin-ózi basqarý týraly» jeke zań ázirlenýde. Osy zańdy negizge ala otyryp, jergilikti ózin-ózi basqarý ókilettikteri, prosesterdi de-búrokratızasıalaý keńeıtiledi jáne memlekettik organdar men Máslıhattardyń tıimdiligi artady.
Túzetýler paketine sáıkes Máslıhat depýtattarynyń 50% turǵyndardyń tikeleı daýysymen saılanatyn bolady.
5 maýsymda bizdiń elimizde memlekettik basqarý júıesin jáne jalpy qoǵamdyq qatynastardy qaıta qurýǵa ákeletin negizgi zańǵa túbegeıli ózgerister engizý josparlanýda. Referendýmǵa Konstıtýsıanyń 33 baby engizildi, olar aýqymdy ári ózekti reformalardy bildiredi. Memleket basshysy Qazaqstan «Ekinshi Respýblıkanyń» aldynda turǵanyn aıtty. Bul ózgerister eldiń búkil saıası júıesi men qoǵamǵa qatysty bolady.
Esterińizge sala keteıik, Memleket basshysy Qazaqstan halqyna Joldaýynda Qazaqstannyń «sýperprezıdenttik» modelden «prezıdenttik» modelge kóshýin jarıalady. Shekteýlerdiń biri - Prezıdenttiń óz ókilettikterin júzege asyrý kezinde saıası partıaǵa kirýine tyıym salý. Kelesi - Prezıdenttiń jaqyn týystaryna saıası memlekettik qyzmetshiler, kvazımemlekettik sektor sýbektileriniń basshylary laýazymdaryn atqarýǵa tyıym salý. «Jer jáne onyń qoınaýy, sý, ósimdikter men janýarlar dúnıesi, basqa da tabıǵı resýrstar halyq menshiginde. Halyq atynan menshik quqyǵyn memleket júzege asyrady» - dep el Prezıdenti aıtty. Osy ózgeristerdiń barlyǵy demokratıa men ádilettiliktiń prınsıpteri men qundylyqtaryn ustanatyndyǵyn dáleldeıdi.
Aldaǵy referendým jalpyulttyq qatysýdy, ıaǵnı el azamattarynyń árqaısysynyń jańa ári ádiletti Qazaqstandy qurýǵa atsalysýyn qamtamasyz etedi.